കോട്ടയം ജില്ലയില്‍ 592 പേര്‍ക്ക് കൊവിഡ്; 569 പേര്‍ക്കു രോഗമുക്തി

കോട്ടയം: ജില്ലയില്‍ 592 പേര്‍ക്കു കൂടി കൊവിഡ് സ്ഥിരീകരിച്ചു. 575 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ രണ്ട് ആരോഗ്യ പ്രവര്‍ത്തകരുമുള്‍പ്പെടുന്നു. സംസ്ഥാനത്തിന് പുറത്തുനിന്നെത്തിയ 17 പേര്‍ രോഗബാധിതരായി. 569 പേര്‍ രോഗമുക്തരായി. 5212 പരിശോധന ഫലങ്ങളാണ് ലഭിച്ചത്.

രോഗം ബാധിച്ചവരില്‍ 267 പുരുഷന്‍മാരും 254 സ്ത്രീകളും 65 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 130 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്.

നിലവില്‍ 3375 പേരാണ് ചികിൽസയിലുള്ളത്. ഇതുവരെ ആകെ 317713 പേര്‍ കൊവിഡ് ബാധിതരായി. 312100 പേര്‍ രോഗമുക്തി നേടി. ജില്ലയില്‍ ആകെ 25625 പേര്‍ ക്വാറന്റൈനില്‍ കഴിയുന്നുണ്ട്.