സ്‌കൂട്ടറിലെത്തിയ സംഘം ബൈക്ക് കവര്‍ന്നു

ഉപ്പള: ക്വാര്‍ട്ടേഴ്‌സിന് മുന്നില്‍ നിര്‍ത്തിയിട്ട ബൈക്ക് സ്‌കൂട്ടറിലെത്തിയ മൂന്നംഗ സംഘം കവര്‍ന്നതായി പരാതി. ബേക്കൂറിലെ കബീറിന്റെ KL 14 N 8910 നമ്പറിലുള്ള പള്‍സര്‍ ബൈക്കാണ് കവര്‍ന്നത്.

തിങ്കളാഴ്ച്ച രാത്രി ഒമ്പതിന് ബേക്കൂറിലെ ഒരു ക്വാര്‍ട്ടേഴ്‌സിന് സമീപം ബൈക്ക് നിര്‍ത്തി മറ്റൊരു സുഹൃത്തിന്റെ കൂടെ ബൈക്കില്‍ ഉപ്പളയില്‍ പോയതായിരുന്നു. പത്ത് മണിയോടെ തിരിച്ചെത്തിയപ്പോഴാണ് ബൈക്ക് കാണാതായതായി അറിയുന്നത്.

ആക്ടീവ സ്‌കൂട്ടറിലെത്തിയ മൂന്ന് പേര്‍ ബൈക്ക് കൊണ്ടുപോകുന്നത് കണ്ടതായി സമീപവാസികള്‍ പറയുന്നു. മഞ്ചേശ്വരം പോലിസ് കേസെടുത്ത് അന്വേഷണം ആരംഭിച്ചു.