അസംസ്‌കൃത എണ്ണ വില ബാരലിന് 101 ഡോളര്‍ കടന്നു

ന്യൂഡല്‍ഹി: ലോകമെമ്പാടും അസംസ്‌കൃത എണ്ണയുടെ വില ക്രമാതീതമായി ഉയരുകയാണ്. അന്താരാഷ്ട്ര വിപണിയില്‍ എണ്ണയുടെ വില ബാരലിന് 101 ഡോളറില്‍ കൂടുതലായി. ഇന്നലെ അസംസ്‌കൃത എണ്ണയുടെ വില ബാരലിന് 92 ഡോളറായിരുന്നു.

അന്താരാഷ്ട്ര നിലവാരമായി കണക്കാക്കപ്പെടുന്ന ബ്രെന്റ് ക്രൂഡ് ഓയിലിന്റെ വിലയില്‍ ഏകദേശം 20% വര്‍ധനവ് ഉണ്ടായി. ഹോര്‍മുസ് കടലിടുക്കില്‍ ഷിപ്പിംഗ് തടസ്സപ്പെടാനുള്ള സാധ്യത വിപണി ആശങ്കകള്‍ വര്‍ധിപ്പിച്ചിട്ടുണ്ടെന്നും ഇത് എണ്ണവിലയില്‍ തുടര്‍ച്ചയായ കുതിച്ചുചാട്ടത്തിന് കാരണമായെന്നും വിദഗ്ദ്ധര്‍ പറയുന്നു.