പാലക്കാട് കോണ്വെന്റ് സ്കൂളില് സാമൂഹിക വിരുദ്ധരുടെ അഴിഞ്ഞാട്ടം;പ്രതിമ തകര്ക്കുകയും കുരിശുമാല പൊട്ടിച്ചിടുകയും ചെയ്തു
വിശുദ്ധ മറിയം ത്രേസ്യയുടെ ചിത്രം നശിപ്പിച്ച് സ്കൂളിന് പിറകില് ഉപേക്ഷിച്ച നിലയിലായിരുന്നു
കാഞ്ഞിരപ്പുഴ: മുണ്ടക്കുന്ന് ഹോളി ഫാമിലി കോണ്വെന്റ് യുപി സ്കൂളില് സാമൂഹിക വിരുദ്ധര് അഴിഞ്ഞാടി. പ്രതിമ തകര്ക്കുകയും വിശുദ്ധ ചിത്രങ്ങളും ചെടിച്ചട്ടികളും നശിപ്പിക്കുകയും ചെയ്തു. പ്രതിമകളുടെ കൈ നശിപ്പിക്കുകയും കുരിശുമാല പൊട്ടിച്ചിടുകയും ചെയ്തു.വിശുദ്ധ മറിയം ത്രേസ്യയുടെ ചിത്രം നശിപ്പിച്ച് സ്കൂളിന് പിറകില് ഉപേക്ഷിച്ച നിലയിലായിരുന്നു.
മറിയം ത്രേസ്യയുടെ പ്രതിമക്കു മുന്നില് പ്രാര്ഥിക്കുന്ന കുട്ടിയുടെ പ്രതിമയുടെ കൈയും തകര്ത്തു. വിദ്യാര്ഥികളുടെ ഹെല്പ് ഡെസ്ക് പരാതിപ്പെട്ടി നശിപ്പിച്ചു. ഇടവഴിയില് മലമൂത്ര വിസര്ജനം നടത്തി. മലം ചുമരിലും വാതിലിലും തേച്ച നിലയില് കാണപ്പെട്ടു. കൊടിമരത്തിന്റെ ചരടും പൊട്ടിച്ചു.
ചൊവ്വാഴ്ച രാവിലെ 8.45ന് സ്കൂള് തുറക്കാനെത്തിയ ഓഫിസ് അസിസ്റ്റന്റാണ് സംഭവം ആദ്യം കണ്ടത്. വൈദ്യുതി മെയിന് സ്വിച്ച് ഓഫ് ചെയ്താണ് തലേന്ന് അധികൃതര് ഗേറ്റ് അടച്ച് പോയത്. എന്നാല്, പുറത്തെ സ്വിച്ചുകള് ഓണാക്കിയ നിലയിലായിരുന്നു. മണ്ണാര്ക്കാട് ഡിവൈഎസ്പി വിഎ കൃഷ്ണദാസിന്റെ നേതൃത്വത്തില് പോലിസ് സംഘവും വിരലടയാള വിദഗ്ധരും സ്ഥലത്തെത്തി പരിശോധിച്ചു. മണ്ണാര്ക്കാട് പോലിസ് കേസെടുത്ത് അന്വേഷണം തുടങ്ങി.
RELATED STORIES
യുപി മുന് എംഎല്എ മുഖ്താര് അന്സാരി ജയിലില് മരണപ്പെട്ടു
28 March 2024 6:18 PM GMTഅഭിഭാഷകന്റെ മുറിയില് മയക്കുമരുന്ന് വച്ച് കുടുക്കിയെന്ന കേസില്...
28 March 2024 5:31 PM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTബെംഗളൂരു കഫേ സ്ഫോടനം; ഒരാളെ എന് ഐഎ അറസ്റ്റ് ചെയ്തു
28 March 2024 5:01 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMT