ക്യൂനെറ്റ് മള്‍ട്ടി ലെവല്‍ മാര്‍ക്കറ്റിങിന്റെ പേരില്‍ തട്ടിപ്പ്; കണ്ണൂരില്‍ 3 പേര്‍ അറസ്റ്റില്‍

കണ്ണൂര്‍: ക്യൂനെറ്റ് മള്‍ട്ടി ലെവല്‍ മാര്‍ക്കറ്റിങിന്റെ പേരില്‍ തട്ടിപ്പ് നടത്തിയ മൂന്നുപേര്‍ കണ്ണൂരില്‍ അറസ്റ്റില്‍. തൃശൂര്‍ വെങ്കിടങ്ങ് സ്വദേശികളായ സിത്താര പി മുസ്തഫ, എന്‍ കെ സിറാജുദ്ദീന്‍, പറവൂര്‍ സ്വദേശി കെ കെ അഫ്‌സല്‍ എന്നിവരാണ് അറസ്റ്റിലായത്.

എസ്പി ടി കെ രത്‌നകുമാറിന്റെ നേതൃത്വത്തിലുള്ള പ്രത്യേക സ്‌ക്വാഡാണ് പ്രതികളെ അറസ്റ്റ് ചെയ്തത്. ചാലാട് സ്വദേശിയുടെ പരാതിയിലാണ് കേസെടുത്തത്. 175000 രൂപ നിക്ഷേപിച്ചാല്‍ മാസം 15000 രൂപ നല്‍കുമെന്ന് പറഞ്ഞ് ലക്ഷങ്ങള്‍ തട്ടിപ്പ് നടത്തിയെന്നാണ് പരാതി. നിരവധി പേര്‍ വഞ്ചിതരായതായാണ് ആരോപണം.