ജെഎൻഎച്ച് കാത്ത്ലാബ് ഉദ്ഘാടനം ഹൈദരലി ശിഹാബ് തങ്ങൾ നിർവഹിക്കും
ഹൃദയാഘാതം സംഭവിക്കുന്ന രോഗികൾക്ക് അടിയന്തര ചികിത്സ ലഭ്യമാക്കി അവരുടെ ജീവൻ രക്ഷിക്കുന്ന കാത്ലാബ് സംവിധാനം ഭാവിയിൽ ഹൃദ് രോഗികൾക്ക് കൂടുതൽ ആധുനിക ചികിത്സ ലഭ്യമാക്കുന്നതിൻറെ തുടക്കമാണ്.
ജിദ്ദ: ജിദ്ദ നാഷനൽ ഹോസ്പിറ്റലിൽ പുതുതായി തുടങ്ങുന്ന അത്യാധുനിക കാത്ത് ലാബിൻറെ ഉദ്ഘാടനം ഹൈദരലി ശിഹാബ് തങ്ങൾ നിർവഹിക്കും. ജൂൺ 16 ഞായറാഴ്ച രാത്രി എട്ട് മണിക്ക് ജിദ്ദയിലെ സാമൂഹിക സാംസ്കാരിക രംഗത്തെ പ്രമുഖരുടെ സാന്നിധ്യത്തിൽ ആയിരിക്കും ഉദ്ഘാടന ചടങ്ങെന്ന് ജെ .എൻ.എച്ച് ചെയർമാനും മാനേജിങ് ഡയറക്ടറുമായ വി.പി മുഹമ്മദലി വാർത്താ സമ്മേളനത്തിൽ അറിയിച്ചു.
അഞ്ചോളം കാർഡിയോളജിസ്റ്റുകളുള്ള ഡിപ്പാർട്ട്മെൻറിൽ എല്ലാവിധ ആധുനിക ചികിത്സ സംവിധാനവും സജ്ജമാണ്. ഹൃദയാഘാതം സംഭവിക്കുന്ന രോഗികൾക്ക് അടിയന്തര ചികിത്സ ലഭ്യമാക്കി അവരുടെ ജീവൻ രക്ഷിക്കുന്ന കാത്ലാബ് സംവിധാനം ഭാവിയിൽ ഹൃദ് രോഗികൾക്ക് കൂടുതൽ ആധുനിക ചികിത്സ ലഭ്യമാക്കുന്നതിൻറെ തുടക്കമാണ്. മലയാളികൾ ഉൾപെടെ നിരവധി ഹൃദ്രോഗികളാണ് ചികിത്സ തേടുന്നത്. വിവിധ രാജ്യക്കാരായ ഡോക്ടർമാരുടെ സേവനം ജിദ്ദ നാഷനൽ ഹോസ്പിറ്റലിൽ ഒരുക്കിയിട്ടുണ്ട്. രോഗിയുടെ ജീവന് ഭീഷണിയാവുന്ന ഹൃദയാഘാതത്തിന് എത്രയും വേഗത്തിൽ ചികിത്സ നൽകാൻ കാത്ലാബ് സംവിധാനത്തിലൂടെ സാധിക്കുമെന്ന് പുതുതായി ചുമതലയേറ്റ കാർഡിയോളജിസ്റ്റ് മലയാളിയായ ഡോ.ഫാസിൽ ബിഷാറ പറഞ്ഞു.
മറ്റേതൊരു രോഗത്തേക്കാളും വേഗത്തിൽ ജീവനെടുക്കുന്ന ഹൃദയാഘാതം തടയാൻ രക്ത ധമനികളിലെ തടസ്സങ്ങൾ നീക്കം ചെയ്ത് രോഗിയുടെ സുരക്ഷ ഉറപ്പുവരുത്തുന്ന സംവിധാനമാണിത്. ആൻജിയോഗ്രാം ടെസ്റ്റിലൂടെ എന്തു തരം ചികിത്സയാണ് രോഗിക്ക് വേണ്ടതെന്ന് ഉറപ്പുവരുത്താൻ സാധിക്കും. ആൻജിയോഗ്രാം ടെസ്റ്റ് നടത്തുന്നവർക്ക് ബലൂൺ ശസ്ത്രക്രിയയാണോ ഹൃദയം തുറന്ന ശസ്ത്രക്രിയയാണോ വേണ്ടതെന്ന് ഇവിടെ തീരുമാനിക്കാം. ആൻജിയോഗ്രാം ടെസ്റ്റ് നടത്തുന്ന രോഗികൾക്ക് പലപ്പോഴും മരുന്ന് ചികിത്സയേ വേണ്ടി വരൂ. എല്ലാവർക്കും ശസ്ത്രക്രിയ വേണ്ടി വരില്ല ^ഡോ. ഫാസിൽ ബിഷാറ പറഞ്ഞു.വാർത്താസമ്മേളനത്തിൽ ജെ.എൻ.എച്ച് എക്സിക്യൂട്ടീവ് ഡയറക്ടർ അലി മുഹമ്മദ് അലി, ഇമ്പാല ഗ്രൂപ് എം.ഡി ഷിയാസ് ഇമ്പാല എന്നിവരും പങ്കെടുത്തു.
RELATED STORIES
യുപി മുന് എംഎല്എ മുഖ്താര് അന്സാരി ജയിലില് മരണപ്പെട്ടു
28 March 2024 6:18 PM GMTഅഭിഭാഷകന്റെ മുറിയില് മയക്കുമരുന്ന് വച്ച് കുടുക്കിയെന്ന കേസില്...
28 March 2024 5:31 PM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTബെംഗളൂരു കഫേ സ്ഫോടനം; ഒരാളെ എന് ഐഎ അറസ്റ്റ് ചെയ്തു
28 March 2024 5:01 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMT