പത്താം ക്ലാസുകാരിയെ ബലാല്‍സംഗം ചെയ്‌തെന്ന്; യൂത്ത് ലീഗ് നേതാവ് അറസ്റ്റില്‍

ഗുരുവായൂര്‍: പത്താംക്ലാസ് വിദ്യാര്‍ഥിനിയെ ബലാല്‍സംഗം ചെയ്‌തെന്ന പരാതിയില്‍ രജിസ്റ്റര്‍ ചെയ്ത കേസില്‍ മുസ്‌ലിം യൂത്ത് ലീഗ് നേതാവ് അറസ്റ്റില്‍. യൂത്ത് ലീഗ് ഗുരുവായൂര്‍ നിയോജക മണ്ഡലം സെക്രട്ടറി ബാദുഷയാണ് അറസ്റ്റിലായത്. ഇന്‍സ്റ്റഗ്രാമിലൂടെ പരിചയപ്പെട്ട പത്താം ക്ലാസുകാരിയെ ബലാത്സംഗം ചെയ്‌തെന്നാണ് ആരോപണം. പെണ്‍കുട്ടിയുടെ രക്ഷിതാക്കള്‍ വീട്ടില്‍ ഇല്ലാത്തപ്പോള്‍ വീട്ടിലെത്തി ബലാത്സംഗം ചെയ്തുവെന്നാണ് ആരോപണം. പീഡന ദൃശ്യങ്ങള്‍ മൊബൈല്‍ ഫോണില്‍ കാണിച്ച് പെണ്‍കുട്ടിയെ ഭീഷണിപ്പെടുത്തുകയും ചെയ്തിരുന്നു. പിന്നാലെ കുട്ടി വീട്ടുകാരെ വിവരം അറിയിച്ചെന്നും അതിന്റെ അടിസ്ഥാനത്തില്‍ പരാതി നല്‍കിയെന്നും പോലിസ് അറിയിച്ചു.