ബസില് ഉപദ്രവിച്ചയാളെ ഓടിച്ചിട്ട് പിടിച്ച് പോലിസിലേല്പ്പിച്ച് മാതൃകയായി യുവതി
പ്രതി മാണിയാട്ട് സ്വദേശി രാജീവനെ പോലിസ് അറസ്റ്റ് ചെയ്തു
കണ്ണൂര്:ബസില് വച്ച് തന്നെ ഉപദ്രവിച്ച ആളെ ഓടിച്ചിട്ട് പിടിച്ച് പോലിസിലേല്പ്പിച്ച് 21 കാരി. കരിവെള്ളൂര് സ്വദേശിനിയായ 21കാരിയാണ് ആത്മധൈര്യം കൊണ്ട് പുതിയ മാതൃക സൃഷ്ടിച്ചത്. ബസില്നിന്ന് ഇറങ്ങിയോടിയ അക്രമിയെ കാഞ്ഞങ്ങാട് ടൗണിലൂടെ പിന്നാലെ ഓടിയാണ് യുവതി പിടിച്ചത്. പ്രതി മാണിയാട്ട് സ്വദേശി രാജീവനെ (52) പോലിസ് അറസ്റ്റ് ചെയ്തു.
കെഎസ്ആര്ടിസി ബസില് യാത്ര ചെയ്യുമ്പോഴാണ് മോശം അനുഭവമുണ്ടായത്.കഴിഞ്ഞ ദിവസമാണ് കരിവെള്ളൂരില്നിന്ന് കാഞ്ഞങ്ങാട്ടേക്കുള്ള കെഎസ്ആര്ടിസി ബസില് യുവതി കയറിയത്. സ്വകാര്യ ബസ് പണിമുടക്കായതിനാല് ബസില് നല്ല തിരക്കായിരുന്നു.നീലേശ്വരത്ത് നിന്നും ബസില് കയറിയ ആള് ശല്യം ചെയ്യുകയായിരുന്നു.പലതവണ മാറിനില്ക്കാന് ആവശ്യപ്പെട്ടുവെങ്കിലും അയാള് അനുസരിച്ചില്ല. അതിനിടെ കണ്ടക്ടറിനോട് കാര്യം പറഞ്ഞപ്പോള് അയാളോട് ബസില് നിന്ന് ഇറങ്ങിപ്പോകാന് പറഞ്ഞു. എന്നാല് ഇയാളെ വിടരുതെന്നും പോലിസിനെ ഏല്പ്പിക്കണമെന്നും യുവതി പറഞ്ഞു. പിങ്ക് പോലിസിനെ വിളിക്കാനായി ഫോണ് എടുത്തപ്പോഴേക്കും ഇയാള് ബസില് നിന്ന് ഇറങ്ങി ഓടി. എന്നാല് ഇയാളെ വിടാതെ പിന്തുടര്ന്ന് പോലിസിനെ ഏല്പ്പിക്കുകയായിരുന്നു.
കാഞ്ഞങ്ങാട് ടൗണിലൂടെ നൂറുമീറ്ററോളം പിറകെ ഓടി. രക്ഷപ്പെട്ടാല് പരാതി നല്കുമ്പോള് ഒപ്പം ചേര്ക്കാന് അയാളുടെ ഫോട്ടോയുമെടുത്തു. ഒടുവില് അയാള് ഒരു ലോട്ടറി സ്റ്റാളില് കയറി ലോട്ടറിയെടുക്കാനെന്ന ഭാവത്തില് നിന്നു.യുവതി പിറകെയെത്തി കടക്കാരോട് വിവരം പറഞ്ഞു. എല്ലാവരും ചേര്ന്ന് അയാളെ തടഞ്ഞുവെച്ചു പിങ്ക് പോലിസിനെ വിവരമറിയിച്ചു. മിനിറ്റുകള്ക്കുള്ളില് കാഞ്ഞങ്ങാട് പോലിസ് സ്ഥലത്തെത്തി പ്രതിയെ അറസ്റ്റ് ചെയ്യുകയായിരുന്നു.
RELATED STORIES
നീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTകണ്ണൂര്-ബെംഗളൂരു സര്വീസ് നിര്ത്തി എയര് ഇന്ത്യ
26 April 2024 11:13 AM GMT