ഓണം മഴയില്‍ കുതിരുമോ?; ഇന്നും നാളെയും പല ജില്ലകളിലും ജാഗ്രതാ നിര്‍ദേശം

തിരുവനന്തപുരം: ഒരാഴ്ചയായി തുടരുന്ന മഴ, ഓണം മഴയില്‍കുതിര്‍ത്തേക്കുമെന്ന ആശങ്ക പടര്‍ത്തുന്നു. ബംഗാള്‍ ഉള്‍ക്കടലിലെ ന്യൂനമര്‍ദ്ദം കേരളത്തിലെ പല ജില്ലകളിലും വ്യത്യസ്ത അളവിലുള്ള മഴയ്ക്ക് കാരണമാവും.

ബുധനാഴ്ച വയനാട്, കണ്ണൂര്‍, കാസര്‍കോഡ് ജില്ലകളില്‍ റെഡ് അലര്‍ട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട് ജില്ലകളില്‍ ഓറഞ്ച് മുന്നറിപ്പ് നല്‍കി.

തിരുവോണനാളായ വ്യാഴാഴ്ച കോഴിക്കോട്, കണ്ണൂര്‍, കാസര്‍കോഡ് ജില്ലകളില്‍ ഓറഞ്ച് മുന്നറിയിപ്പ് പ്രഖ്യാപിച്ചു. കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, വയനാട് ജില്ലകളില്‍ മഞ്ഞ മുന്നറിയിപ്പായിരിക്കും.

ഈ ആഴ്ച അവസാനം വരെ പലയിടങ്ങളിലും കനത്ത മഴയ്ക്ക് സാധ്യതയുണ്ട്.