യുദ്ധം ലോകത്തെ മുഴുവന്‍ ബാധിക്കും: അബ്ബാസ് അരാഗ്ചി

തെഹ്‌റാന്‍: പശ്ചിമേഷ്യയില്‍ നടക്കുന്ന യുദ്ധം ഇനി ലോകത്തെ മുഴുവന്‍ ബാധിക്കുമെന്ന് ഇറാന്‍ വിദേശകാര്യ മന്ത്രി അബ്ബാസ് അരാഗ്ചി പറഞ്ഞു. ഈ യുദ്ധത്തിന്റെ ആഘാതം തുടങ്ങിയിട്ടേയുള്ളൂവെന്നും ക്രമേണ എല്ലാ രാജ്യങ്ങളെയും, സമ്പന്നരായാലും ദരിദ്രരായാലും, അവരെ യുദ്ധം ബാധിക്കുമെന്നും അദ്ദേഹം സോഷ്യല്‍ മീഡിയ പ്ലാറ്റ്ഫോമായ എക്സില്‍ കുറിച്ചു.

അതേസമയം, നേരത്തെ, ഇറാനില്‍ ഇസ്രായേല്‍ നടത്തിയ ആക്രമണത്തില്‍ ഇറാന്റെ സുരക്ഷാ മേധാവി അലി ലാരിജാനിയും അദ്ദേഹത്തിന്റെ മകനും കൊല്ലപ്പെട്ടു. ഇതിനു മറുപടിയായി, ഇസ്രായേല്‍ തലസ്ഥാനമായ തെല്‍ അവീവ് ഉള്‍പ്പെടെ നൂറിലധികം സ്ഥലങ്ങളില്‍ ഇറാന്‍ മിസൈല്‍ ആക്രമണം നടത്തി. ലാരിജാനി, അദ്ദേഹത്തിന്റെ മകന്‍, ബാസിജ് ഫോഴ്സ് കമാന്‍ഡര്‍ ഘോലംരേസ സുലൈമാനി എന്നിവരുടെ മരണത്തിനുള്ള പ്രതികാരമാണ് ആക്രമണമെന്ന് ഇറാന്‍ പറയുന്നു.