രാഹുല്‍ മാങ്കൂട്ടത്തില്‍ എംഎല്‍എ പ്രചാരണം നടത്തുന്നതില്‍ തെറ്റില്ലെന്ന് വി കെ ശ്രീകണ്ഠന്‍ എംപി

തിരുവനന്തപുരം: യുഡിഎഫ് സ്ഥാനാര്‍ ഥികള്‍ക്കായി രാഹുല്‍ മാങ്കൂട്ടത്തില്‍ എംഎല്‍എ പ്രചാരണം നടത്തുന്നതില്‍ തെറ്റില്ലെന്ന് വി കെ ശ്രീകണ്ഠന്‍ എംപി. രാഹുലിനെ പാര്‍ട്ടിയില്‍ നിന്നും പുറത്താക്കിയിട്ടില്ലെന്നും സസ്പെന്‍ഡ് ചെയ്യുക മാത്രമാണ് ചെയ്തതെന്നും ശ്രീകണ്ഠന്‍ പറഞ്ഞു.

ബിജെപി നേതൃത്വവുമായി ഇടഞ്ഞുനില്‍ക്കുന്ന പാലക്കാട് നഗരസഭാ ചെയര്‍പേഴ്സണ്‍ പ്രമീള ശശിധരന്‍ ബിജെപി വിട്ട് വര്‍ഗീയത ഒഴിവാക്കി കോണ്‍ഗ്രസിലേക്ക് വന്നാല്‍ സ്വീകരിക്കുമെന്നും വി കെ ശ്രീകണ്ഠന്‍ പറഞ്ഞു. ബിജെപിക്കുള്ളില്‍ ജാതിയുടെ പേരില്‍ തര്‍ക്കം നടക്കുകയാണ്. വനിതകള്‍ക്ക് പദ്ധതി പ്രഖ്യാപിക്കുന്ന മോദി പാലക്കാട് നഗരസഭയിലെ ചെയര്‍പേഴ്സണ്‍മാരായ സ്ത്രീകളെ ഒറ്റപ്പെടുത്തുന്നത് അറിയുന്നില്ലെന്നും വി കെ ശ്രീകണ്ഠന്‍ പറഞ്ഞു.