വാക്സിന് ആദ്യ ഡോസ് ലക്ഷ്യത്തിലേക്ക്: 93 ശതമാനം കഴിഞ്ഞതായി മന്ത്രി
സംസ്ഥാനത്തിന് 5 ലക്ഷം ഡോസ് വാക്സിന് കൂടി ലഭിച്ചു
തിരുവനന്തപുരം: സംസ്ഥാനത്ത് വാക്സിനേടുക്കേണ്ട ജനസംഖ്യയുടെ 93.16 ശതമാനം പേര്ക്ക് (2,48,81,688) ആദ്യ ഡോസും 43.14 ശതമാനം പേര്ക്ക് (1,15,23,278) രണ്ടാം ഡോസും നല്കിയെന്ന് ആരോഗ്യ മന്ത്രി വീണാ ജോര്ജ് അറിയിച്ചു. ഒന്നും രണ്ടും ഡോസ് ചേര്ത്ത് ആകെ 3,64,04,946 ഡോസ് വാക്സിനാണ് ഇതുവരെ നല്കിയത്. കൊവിഡ് ബാധിച്ചവരായ 10 ലക്ഷത്തോളം പേര്ക്ക് 3 മാസം കഴിഞ്ഞ് വാക്സിന് എടുത്താല് മതി. അതിനാല് ഇനി എട്ട് ലക്ഷത്തോളം പേര് മാത്രമാണ് ഒന്നാം ഡോസ് വാക്സിനെടുക്കാനുള്ളത്. ഇനിയും ആദ്യ ഡോസ് വാക്സിന് എടുക്കാനുള്ളവര് ഉടന് തന്നെ കൊവിന് വെബ് സൈറ്റില് രജിസ്റ്റര് ചെയ്തോ തൊട്ടടുത്ത വാക്സിനേഷന് കേന്ദ്രത്തില് നേരിട്ടെത്തിയോ വാക്സിന് സ്വീകരിക്കേണ്ടതാണെന്നും മന്ത്രി അഭ്യര്ത്ഥിച്ചു.
45 വയസില് കൂടുതല് പ്രായമുള്ള 97 ശതമാനത്തിലധികം ആളുകള്ക്ക് ആദ്യ ഡോസും 61 ശതമാനം പേര്ക്ക് രണ്ടാം ഡോസ് വാക്സിനും നല്കിയിട്ടുണ്ട്. ആരോഗ്യ പ്രവര്ത്തകരും കൊവിഡ് മുന്നണി പോരാളികളും 100 ശതമാനം ആദ്യ ഡോസ് വാക്സിന് എടുത്തു. ആരോഗ്യ പ്രവര്ത്തകരില് 88 ശതമാനം പേരും കൊവിഡ് മുന്നണി പോരാളികളില് 90 ശതമാനം പേരും രണ്ടാം ഡോസ് എടുത്തിട്ടുണ്ട്. 18നും 44നും ഇടയ്ക്ക് പ്രായമുള്ളവരില് 80 ശതമാനം പേര് ആദ്യ ഡോസും 18 ശതമാനം പേര് രണ്ടാം ഡോസും എടുത്തിട്ടുണ്ട്. സ്ത്രീകളാണ് പുരുഷന്മാരേക്കാള് കൂടുതല് വാക്സിനെടുത്തത്. സ്ത്രീകള് 1,88,71,205 ഡോസ് വാക്സിനും പുരുഷന്മാര് 1,75,24,970 ഡോസ് വാക്സിനുമാണെടുത്തത്.
ഇന്ന് 1698 വാക്സിനേഷന് കേന്ദ്രങ്ങളാണ് പ്രവര്ത്തിച്ചത്. അതില് 1408 സര്ക്കാര് കേന്ദ്രങ്ങളും 290 സ്വകാര്യ കേന്ദ്രങ്ങളുമാണുണ്ടായിരുന്നത്. സംസ്ഥാനത്തിന് 5 ലക്ഷം ഡോസ് കോവിഷീല്ഡ് വാക്സിന് കൂടി ലഭ്യമായി. തിരുവനന്തപുരം 1,69,300, എറണാകുളം 1,96,830, കോഴിക്കോട് 1,33,870 എന്നിങ്ങനെ ഡോസ് വാക്സിനാണ് ലഭ്യമായത്.
RELATED STORIES
വീണ്ടും ഗുരുതര ആരോപണവുമായി ആന്റോ ആന്റണി;പോളിങ് ഉദ്യോഗസ്ഥരുടെ...
25 April 2024 10:47 AM GMTമാസപ്പടി കേസ്;അടുത്ത മാസം മൂന്നിന് വിധി
25 April 2024 10:44 AM GMTവോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT