റിപബ്ലിക് ദിനാഘോഷങ്ങള് അലങ്കോലമാക്കുന്നത് ലോകത്തിന് തെറ്റായ സന്ദേശം നല്കുമെന്ന് കേന്ദ്ര കാര്ഷിക സഹമന്ത്രി
ന്യൂഡല്ഹി: ജനുവരി 26ാം തിയ്യതിയിലെ റിപബ്ലിക് ദിനാഘോഷങ്ങള് അലങ്കോലപ്പെടുത്തുന്നത് ലോകത്തിന് ഇന്ത്യയെക്കുറിച്ച് തെറ്റായ സന്ദേശം പകരാന് കാരണമാവുമെന്ന് കേന്ദ്ര കൃഷി വകുപ്പ് സഹമന്ത്രി കൈലാഷ് ചൗധരി.
ഡല്ഹിയില് കര്ഷകര് നടത്തുന്ന സമരത്തിന്റെ ഭാഗമായി ജനുവരി 26ാം തിയ്യതി ട്രാക്ടര് റാലി നടത്താനുള്ള തീരുമാനത്തെ പരാമര്ശിച്ചായിരുന്നു മന്ത്രിയുടെ പ്രതികരണം.
റിപബ്ലിക് ദിനാഘോഷങ്ങള് സുഗമമായി നടത്താന് കര്ഷക സംഘടനകള് സഹകരിക്കണമെന്നും സമരം നടത്താനുള്ള തീരുമാനത്തില് നിന്ന് പിന്മാറണമെന്നും അദ്ദേഹം പറഞ്ഞു.
സുപ്രിംകോടതി നിര്ദേശിച്ച കമ്മിറ്റിയില് വിശ്വാസമര്പ്പിക്കണം. സമിതിയുമായി സഹകരിക്കണം. സുപ്രിംകോടതി നിര്ദേശിച്ച കമ്മിറ്റി നിഷ്പക്ഷമായി മാത്രമേ പ്രവര്ത്തിക്കൂ. അക്കാര്യവും കര്ഷകര് മനസ്സിലാക്കണം. അവരുടെ റിപോര്ട്ട് അനുസരിച്ച് കോടതി ഉത്തരവ് പുറപ്പെടുവിക്കുമെന്നും അദ്ദേഹം കൂട്ടിച്ചേര്ത്തു.
കേന്ദ്ര സര്ക്കാര് പാസ്സാക്കിയ കാര്ഷിക നിയമത്തിനെതിരേ രാജ്യത്തെ നാല്പ്പതോളം കര്ഷക സംഘനകളുടെ നേതൃത്വത്തില് നടക്കുന്ന സമരത്തോട് സര്ക്കാര് നിഷേധാത്മക നിലപാട് സ്വീകരിച്ച സാഹചര്യത്തിലാണ് ജനുവരി 26ാം തിയ്യതി ഡല്ഹിയില് ട്രാക്ടര് റാലി നടത്താന് തീരുമാനിച്ചത്. സര്ക്കാരും സമരക്കാരും തമ്മില് നിലവധി തവണ ചര്ച്ചകള് നടന്നെങ്കിലും നിയമം പിന്വലിക്കണമെന്ന ആവശ്യം തള്ളിയതിനെ തുടര്ന്ന് എല്ലാം പരാജയപ്പെടുകയായിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
