ത്രിപുര വിഷയം പാര്‍ലമെന്റില്‍ ഉന്നയിക്കും: ഇ ടി മുഹമ്മദ് ബഷീര്‍

മലപ്പുറം: ത്രിപുരയില്‍ അടുത്തിടെ ആരാധനാലയങ്ങള്‍ക്കെതിരേയുള്‍പ്പെടെയുണ്ടായ അക്രമങ്ങളും തുടര്‍ന്നുണ്ടായ അക്രമസംഭവങ്ങളിലും ജുഡീഷ്യല്‍ അന്വേഷണം നടത്തി അക്രമികളെ നിയമത്തിന് മുന്നില്‍ കൊണ്ടുവരണമെന്ന് ഇന്ത്യന്‍ യൂനിയന്‍ മുസ്‌ലിം ലീഗ് അഖിലേന്ത്യ ഓര്‍ഗനൈസിങ് സെക്രട്ടറി ഇ ടി മുഹമ്മദ് ബഷീര്‍ എംപി ആവശ്യപ്പെട്ടു. എംപിയുടെ അസം സന്ദര്‍ശനത്തിനിടെ അസം- ത്രിപുര അതിര്‍ത്തി പ്രദേശങ്ങളിലെ മുസ്‌ലിം ലീഗ് പ്രതിനിധികള്‍ എംപിയുമായി കൂടിക്കാഴ്ച നടത്തിയിരുന്നു. ത്രിപുര വിഷയം വരുന്ന പാര്‍ലമെന്റ് സമ്മേളനത്തില്‍ ഉന്നയിക്കുമെന്നും അടുത്ത് തന്നെ അക്രമം നടന്ന പ്രദേശങ്ങള്‍ സന്ദര്‍ശിക്കുമെന്നും എംപി പറഞ്ഞു.