ചെരുപ്പ് മാറിയിട്ടു; കോഴിക്കോട്ട് ആദിവാസി വിദ്യാര്‍ഥിക്ക് ക്രൂരമര്‍ദ്ദനം

കോഴിക്കോട്: ചെരുപ്പ് മാറിയിട്ടെന്നാരോപിച്ച് ആദിവാസി വിദ്യാര്‍ഥിയെ ക്രൂരമായി മര്‍ദ്ദിച്ചെന്ന് പരാതി. ഏഴാം ക്ലാസ് വിദ്യാര്‍ഥിക്കാണ് ക്രൂര മര്‍ദ്ദനമേറ്റത്. കോഴിക്കോട് കൂടരഞ്ഞിയിലെ സെന്റ് സെബാസ്റ്റ്യന്‍ ഹയര്‍സെക്കണ്ടറി സ്‌കൂളിലെ വിദ്യാര്‍ഥിക്കാണ് മര്‍ദ്ദനമേറ്റത്. ഇതേ സ്‌കൂളില്‍ പഠിക്കുന്ന പ്ലസ്ടു വിദ്യാര്‍ഥിയാണ് മര്‍ദ്ദിച്ചത്. ചെരുപ്പ് മാറിയിട്ടതാണ് തര്‍ക്കത്തിനും മര്‍ദ്ദനത്തിനും കാരണം. മര്‍ദ്ദനമേറ്റ വിദ്യാര്‍ഥിയുടെ ചേട്ടന്റെ സുഹൃത്താണ് മര്‍ദിച്ചത്.

ഇന്ന് രാവിലെയാണ് സംഭവം നടന്നത്. നെഞ്ചിനും മുഖത്തും പരിക്കേറ്റു. ചെരുപ്പ് മാറിയിട്ടതിനാണ് മര്‍ദിച്ചത്. ആദിവാസി വിദ്യാര്‍ഥിക്കാണ് മര്‍ദനമേറ്റത്. ചേട്ടന്റെ അടുത്തേക്ക് വീട്ടിലെത്തിയപ്പോഴായിരുന്നു ചെരുപ്പ് മാറിയിട്ടത്, തുടര്‍ന്നായിരുന്നു മര്‍ദ്ദനം. തുടര്‍ന്ന് മാതാവ് പോലിസില്‍ വിവരം അറിയിക്കുകയായിരുന്നു. സംഭവത്തില്‍ തിരുവമ്പാടി പോലിസ് അന്വേഷണം ആരംഭിച്ചു.