ബഹറൈനില്‍ ഇന്ത്യന്‍ സോഷ്യല്‍ ഫോറം എഡ്യു കെയര്‍ 2022 സംഘടിപ്പിച്ചു

മനാമ: ജൂണ്‍ 25 ശനിയാഴ്ച ഇബ്‌നു ഹൈതം സ്‌കൂളില്‍ വെച്ച് ഇന്ത്യന്‍ സോഷ്യല്‍ ഫോറം എഡ്യു കെയര്‍ 2022 സംഘടിപ്പിച്ചു. പരിപാടിയുടെ ഭാഗമായി കിങ്ടം യൂനിവേഴ്‌സിറ്റി പ്രൊഫസര്‍ ഡോക്ടര്‍ ഹബീബു റഹ്മാന്‍ നയിച്ച കരിയര്‍ ഗൈഡന്‍സ് ക്ലാസും പ്രശസ്ത മനസ്ശാസ്ത്ര വിദ്ഗ്ദ ഡോക്ടര്‍ അന്നേ മരിയ മുസ്തഫ നയിച്ച മനഃശാസ്ത്ര കൗണ്‍സിലിങ് ക്ലാസും നടന്നു.

ഇബ്‌നു ഹൈതം സ്‌കൂള്‍ ചെയര്‍മാന്‍ ശക്കില്‍ അഹ്മദ് അസ്മി, ഇന്ത്യന്‍ സോഷ്യല്‍ ഫോറം സെന്‍ട്രല്‍ കമ്മറ്റി പ്രസിഡന്റ് അലി അക്ബര്‍, സാമൂഹിക പ്രവര്‍ത്തകനും ഐ സി ആര്‍ എഫ് എക്‌സ് കോം മെമ്പറുമായ ജവാദ് പാഷ എന്നിവര്‍ പങ്കെടുത്തു. അവാലി ഹോസ്പിറ്റല്‍ കാര്‍ഡിയോ ഡിപ്പാര്‍ട്‌മെന്റ് ഹെഡ് ഡോക്ടര്‍ സയ്യിദ് റസ മുഖ്യ അതിഥിയായിരുന്നു. കുട്ടികളുടെയും രക്ഷിതാക്കളുടെയും വലിയ തോതിലുള്ള പങ്കാളിത്തം കൊണ്ട് പ്രോഗ്രാം ശ്രദ്ധേയമായി. ഇന്ത്യന്‍ സോഷ്യല്‍ ഫോറം സെക്രട്ടറി സയ്യിദ് സിദ്ധീഖ് ഹൈദരാബാദ് പ്രോഗ്രാം നിയന്ത്രിക്കുകയും ഇന്ത്യന്‍ സോഷ്യല്‍ ഫോറം ജനറല്‍ സെക്രട്ടറി റെഫീഖ് അബ്ബാസ് നന്ദിയും പറഞ്ഞു.