കോഴിക്കോട് കാല്‍ക്കോടി രൂപ വില വരുന്ന മയക്കുമരുന്നു പിടികൂടി

കോഴിക്കോട്: കോഴിക്കോട് റെയില്‍വേ സ്‌റ്റേഷന് സമീപത്ത് നിന്ന് കാല്‍ക്കോടി രൂപ വില വരുന്ന ചരസ് പിടികൂടി. കോഴിക്കോട് പള്ളിയാര്‍ക്കണ്ടി സ്വദേശി മുഹമ്മദ് റഷീബിനെ എക്‌സൈസ് സംഘം അറസ്റ്റ് ചെയ്തു. ഇന്ന് പുലര്‍ച്ചെ അഞ്ചിനാണ് മയക്കുമരുന്നുമായി ഇയാള്‍ സ്‌റ്റേറ്റ് എക്‌സെസ് എന്‍ഫോഴ്‌സ്‌മെന്റ് സ്‌ക്വാഡിന്റെ പിടിയിലായത്. 510 ഗ്രാം ചരസാണ് ഇയാളില്‍ നിന്ന് പിടികൂടിയത്. രഹസ്യ വിവരത്തെതുടര്‍ന്ന് നടത്തിയ അന്വേഷണത്തിലാണ് ഇയാള്‍ പിടിയിലായത്.