സൗദിയില്‍ നിര്യാതനായ അബ്ദുല്‍ ഖാദറിന്റെ ഖബറടക്കം ഇന്ന്

കല്ലായി: സൗദിയില്‍ നിര്യാതനായ കോഴിക്കോട് പയ്യാനക്കല്‍ സ്വദേശി അബ്ദുല്‍ ഖാദറിന്റെ ഖബറടക്കം ഇന്ന് അബ്ഹയില്‍ നടക്കും. അസ്ര്‍ നമസ്‌കാരാനന്തരം അബ്ഹ അല്‍റാജ്ഹി പള്ളിയില്‍ നടക്കുന്ന മയ്യിത്ത് നമസ്‌ക്കാരത്തിനു ശേഷം മൃതദേഹം അബ്ഹ ഖബര്‍സ്ഥാനില്‍ ഖബറടക്കുമെന്ന് ബന്ധുക്കള്‍ അറിയിച്ചു.

47കാരനായ അബ്ദുല്‍ ഖാദര്‍ കഴിഞ്ഞ ശനിയാഴ്ചയാണ് ഹൃദയാഘാതം മൂലം മരിച്ചത്. വെള്ളിയാഴ്ച രാത്രി ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തി ചികില്‍സ തേടിയെങ്കിലും കാര്യമായ പ്രശ്‌നങ്ങളൊന്നുമില്ലെന്ന് ഡോക്ടര്‍മാര്‍ അറിയിച്ചതിനെ തുടര്‍ന്ന് തിരികെ കൊണ്ടുപോരുകയായിരുന്നു. പിന്നീട് പതിവ് പോലെ ഉറങ്ങാന്‍ കിടന്ന ഖാദര്‍ രാവിലെ പ്രഭാത നിസ്‌കാരത്തിന് വിളിച്ചപ്പോള്‍ എഴുന്നേല്‍ക്കാത്തതിനെ തുടര്‍ന്ന് നടത്തിയ പരിശോധനയിലാണ് മരിച്ചതായി മനസ്സിലായത്.

പുതിയ കോവിലകത്ത് പി കെ മുഹമ്മദ് കുട്ടിയുടെയും പാത്തുമ്മേയിയുടെയും മകനാണ് അബ്ദുള്‍ ഖാദര്‍. ഭാര്യ: നൗഫിറ. മക്കള്‍: സ്വാലിഹ്, ഫാത്തിമ തസ്‌നീം. സഹോദരങ്ങള്‍: അഷ്‌റഫ് (ഖത്തര്‍), അസ്മാബി, അസ്്‌ലം, മെഹ്‌റൂഫ്.