താനൂരില്‍ കടലില്‍ കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി

താനൂര്‍: താനൂരില്‍ കടലില്‍ കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. ഒസ്സാന്‍ കടപ്പുറം സ്വദേശി മമ്മിക്കാനകത്ത് ഷെഫീല്‍(35)ന്റെ മൃതദേഹമാണ് ഇന്ന് രാവിലെ 11.30ഓടെ കണ്ടെത്തിയത്.

ഇന്നലെ രാവിലെയാണ് ഷെഫീല്‍ തോണി കരയില്‍ നിന്നും സുരക്ഷിത സ്ഥാനത്തേക്ക് മാറ്റുന്നതിനിടെ അപകടത്തില്‍പ്പെട്ടത്. തുടര്‍ന്ന് ഇന്നലെ മുതല്‍ തീരസംരക്ഷണ സേനയും പോലിസും തിരച്ചില്‍ നടത്തിവരുന്നതിനിടെയാണ് ഇന്ന് മൃതദേഹം കണ്ടെത്തിയത്. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം മൃതദേഹം തിരൂര്‍ സര്‍ക്കാര്‍ ആശുപത്രിയിലേക്ക് മാറ്റി.