പാര്ട്ടി പ്രവര്ത്തകരുടെ അറസ്റ്റിനെതിരേ പ്രതിഷേധം; തെലങ്കാന ബിജെപി അധ്യക്ഷന് കസ്റ്റഡിയില്
ഹൈദരാബാദ്: പാര്ട്ടി പ്രവര്ത്തകരെ അറസ്റ്റ് ചെയ്തതില് പ്രതിഷേധിച്ച തെലങ്കാന ബിജെപി സംസ്ഥാന അധ്യക്ഷന് ബന്ദി സഞ്ജയ് കുമാറിനെ പോലിസ് കസ്റ്റഡിയിലെടുത്തു. തെലങ്കാന മുഖ്യമന്ത്രിയുടെ മകളും ടിആര്എസ് എംഎല്എയുമായ കവിതയുടെ വീടിലേക്ക് പ്രകടനം നടത്തിയ ബിജെപി പ്രവര്ത്തകരെ പോലിസ് അറസ്റ്റ് ചെയ്തിരുന്നു. ഇതിനെതിരേ ജങ്കാവ് ജില്ലയില് പ്രതിഷേധം നടത്തിയതിനാണ് പോലിസ് ബന്ദി സഞ്ജയ് കുമാറിനെ അറസ്റ്റ് ചെയ്തത്. പോലിസ് കസ്റ്റഡിയിലെടുത്ത് ഇയാളെ കരിംനഗറിലെ വസതിയിലേക്ക് മാറ്റി. ഡല്ഹി മദ്യനയ അഴിമതിയുമായി ബന്ധപ്പെട്ടാണ് ബിജെപി കവിതയ്ക്കെതിരേ പ്രതിഷേധം സംഘടിപ്പിച്ചത്.
സഞ്ജയ് കുമാറിന്റെ 'പദയാത്ര' ജങ്കാവോണ് ജില്ലയില് നടക്കുന്നുണ്ടെന്നും അദ്ദേഹം ക്യാംപ് ചെയ്തിരുന്ന പാംനൂരില് നിന്നാണ് കസ്റ്റഡിയിലെടുത്തതെന്നും പാര്ട്ടി പ്രസ്താവനയില് പറഞ്ഞു. സഞ്ജയ് കുമാറിനെതിരായ പോലിസ് നടപടിയെ അപലപിച്ച സംസ്ഥാന ബിജെപി ജനറല് സെക്രട്ടറി ജി പ്രേമേന്ദര് റെഡ്ഡി, കുമാറിന്റെ 'പദയാത്ര' തുടരാന് ടിആര്എസ് സര്ക്കാര് ആഗ്രഹിക്കുന്നില്ലെന്ന് പ്രസ്താവനയില് ആരോപിച്ചു. 'പദയാത്ര' തടസ്സപ്പെട്ടിടത്തു നിന്ന് പുനരാരംഭിക്കുമെന്നും റെഡ്ഡി പറഞ്ഞു. പോലിസ് നടപടിക്കെതിരേ ഇന്ന് വൈകീട്ട് സംസ്ഥാനത്തുടനീളം സമാധാനപരമായ പ്രതിഷേധം സംഘടിപ്പിക്കാന് ബിജെപി പ്രവര്ത്തകരോട് അദ്ദേഹം ആവശ്യപ്പെട്ടു.
RELATED STORIES
ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMT