കിളിമാനൂരില്‍ പെട്രോള്‍ കൊണ്ടുപോയ ടാങ്കര്‍ ലോറി മറിഞ്ഞു

തിരുവനന്തപുരം: കിളിമാനൂര്‍ തട്ടത്തുമലയില്‍ പെട്രോള്‍ കൊണ്ടുപോയ ടാങ്കര്‍ ലോറി മറിഞ്ഞു. എറണാകുളത്ത് നിന്നെത്തിയ ലോറിയാണ് അപകടത്തില്‍പ്പെട്ടത്. ആര്‍ക്കും പരിക്കേറ്റിട്ടില്ല. പെട്രോള്‍ ലീക്ക് ചെയ്തു തുടങ്ങിയതോടെ റോഡിന് സമീപത്തെ തോട്ടില്‍ ഇന്ധനം കലര്‍ന്നു.

തിങ്കളാഴ്ച പുലര്‍ച്ചെ രണ്ടു മണിയോടെയാണ് ടാങ്കര്‍ ലോറി മറിഞ്ഞത്. കുഴിയില്‍ വീണതിനെ തുടര്‍ന്ന് ലോറി മറിയുകയായിരുന്നു. പെട്രോള്‍ ലീക്ക് ചെയ്തു തുടങ്ങിയതോടെ ആശങ്ക ഉയര്‍ന്നെങ്കിലും ഫയര്‍ഫോഴ്‌സ് സംഘം ഉടനെ സ്ഥലത്തെത്തി സ്ഥിതിഗതികള്‍ നിയന്ത്രണവിധേയമാക്കി. ടാങ്കില്‍ നിന്ന് പെട്രോള്‍ മാറ്റാനുള്ള നടപടി സ്വീകരിച്ചിട്ടുണ്ട്.