ടി പോക്കര്‍ സാഹിബ് അനുസ്മരണം; പഠനോപകരണങ്ങള്‍ വിതരണം ചെയ്തു

തരുവണ : എസ്ഡിപിഐ മുന്‍ ജില്ലാ പ്രസിഡന്റ് ടി പോക്കര്‍ സാഹിബ് അനുസ്മരണ ദിനാചരണത്തോടനുബന്ധിച്ച് പഠനോപകരണങ്ങള്‍ വിതരണം ചെയ്തു. തരുവണ ഗവണ്‍മെന്റ് വൊക്കേഷണല്‍ ഹയര്‍സെക്കണ്ടറി സ്‌കൂളില്‍ നടന്ന ചടങ്ങില്‍ ടീച്ചേഴ്‌സ് ഇന്‍ചാര്‍ജ് ജെസ്സി പി.സിക്ക് നല്‍കി അഡ്വക്കറ്റ് കെ.എ അയ്യൂബ് വിതരണോദ്ഘാടനം ചെയ്തു. പൊതുസമൂഹത്തില്‍ ഇന്നും പകരസ്ഥാനീയനെ കണ്ടെത്താന്‍ കഴിഞ്ഞിട്ടില്ലാത്ത ആദര്‍ശ വ്യക്തിത്വമായിരുന്നു പോക്കര്‍ സാഹിബ്. ഓരോ പൊതുപ്രവര്‍ത്തകനും അദ്ദേഹത്തിന്റെ ജീവിതം മാതൃകയാക്കണമെന്നും അതുവഴി സമൂഹത്തെ നേര്‍പാതയില്‍ വഴിനടത്താന്‍ കഴിയുമെന്നും എസ്ഡിപിഐ സംസ്ഥാന സെക്രട്ടറി പി ജമീല പറഞ്ഞു. തരുവണയില്‍ പ്രവര്‍ത്തക സംഗമം ഉദ്ഘാടനം ചെയ്തു സംസാരിക്കുകയായിരുന്നു അവര്‍.

ജില്ലാ പ്രസിഡന്റ് അഡ്വ: കെ.എ അയ്യൂബ് അദ്ധ്യക്ഷത വഹിച്ചു. സംസ്ഥാന സമിതിയംഗം ടി.നാസര്‍, എസ്.ഡി.റ്റി.യു സംസ്ഥാന സമിതിയംഗം എ.യൂസുഫ്, ഇ.ഉസ്മാന്‍, കെ.മഹറൂഫ്, മമ്മൂട്ടി തരുവണ തുടങ്ങിയവര്‍ സംസാരിച്ചു. ജില്ലാ ജനറല്‍ സെക്രട്ടറി എന്‍.ഹംസ സ്വാഗതവും കെ.മുനീര്‍ നന്ദിയും പറഞ്ഞു.