Latest News

കാറും ബൈക്കും കൂട്ടിയിടിച്ചു പരിക്കേറ്റ വിദ്യാര്‍ത്ഥികള്‍ മരിച്ചു

കോവിഡ് ടെസ്റ്റിന്റെ ഫലം ലഭിച്ചതിന് തസ്രീഫിന്റെ ജനാസ കൊളത്തൂര്‍ ജലാലിയ്യ ഖബര്‍സ്ഥാനിലും ജസീം ഹംസയുടെ ജനാസ കൊളത്തൂര്‍ കുറുപ്പത്താല്‍ ജുമാമസ്ജിദ് ഖബര്‍സ്ഥാനിലും തിങ്കളാഴ്ച ഖബറടക്കും.

കാറും ബൈക്കും കൂട്ടിയിടിച്ചു പരിക്കേറ്റ വിദ്യാര്‍ത്ഥികള്‍ മരിച്ചു
X

പെരിന്തല്‍മണ്ണ: ബൈക്കപകടത്തില്‍ പരിക്കേറ്റ് ചികിത്സയിലായിരുന്ന വിദ്യാര്‍ത്ഥികള്‍ മരിച്ചു. കുറ്റിപ്പുറം കെ.എം.സി.ടി. ലോ കോളേജിലെ രണ്ടാം വര്‍ഷ വിദ്യാര്‍ത്ഥിയും മങ്കട മണ്ഡലം മുസ്‌ലിം ലീഗ് വൈസ് പ്രസിഡന്റ് അഡ്വ. വി. മൂസകുട്ടിയുടെ മകനുമായ തസ്രീഫ് (21), പെരിന്തല്‍മണ്ണ എം.ഇ.എ. എഞ്ചിനീയറിംഗ് കോളേജിലെ അവസാന വര്‍ഷ ബി.ടെക് വിദ്യാര്‍ത്ഥിയും കൊളത്തൂര്‍ വടക്കേകുളമ്പിലെ കോട്ടപ്പറമ്പന്‍ മജീദിന്റെ ഏക മകനുമായ ജസീം ഹംസ (22) എന്നിവരാണ് മരിച്ചത്. ശനിയാഴ്ച വൈകിട്ട് കോട്ടക്കല്‍ പറമ്പിലങ്ങാടിയില്‍ വെച്ച് കാറും ബൈക്കും കൂട്ടിയിടിച്ചായിരുന്നു അപകടം. കോട്ടക്കലിലെ സ്വകാര്യ ആശുപത്രിയില്‍ ചികിത്സയിലായിരുന്നു. ചെറുകുളമ്പ ഐ.കെ.ടി.എച്ച്. സ്‌കൂള്‍ അദ്ധ്യാപിക ജമീലയാണ് തസ്രീഫിന്റെ മാതാവ് സഹോദരങ്ങള്‍ : തസ്‌ലീമ, തന്‍സീല.

ജസീം ഹംസയുടെ മാതാവ് ഉമ്മുഹൈറ. കോവിഡ് ടെസ്റ്റിന്റെ ഫലം ലഭിച്ചതിന് തസ്രീഫിന്റെ ജനാസ കൊളത്തൂര്‍ ജലാലിയ്യ ഖബര്‍സ്ഥാനിലും ജസീം ഹംസയുടെ ജനാസ കൊളത്തൂര്‍ കുറുപ്പത്താല്‍ ജുമാമസ്ജിദ് ഖബര്‍സ്ഥാനിലും തിങ്കളാഴ്ച ഖബറടക്കും.


Next Story

RELATED STORIES

Share it