എസ്എസ്എല്‍സി പരീക്ഷയില്‍ ഗ്രേസ് മാര്‍ക്ക് നല്‍കും: വിദ്യാഭ്യാസമന്ത്രി

തിരുവനന്തപുരം: എസ്എസ്എല്‍സി പരീക്ഷയില്‍ ഇത്തവണ ഗ്രേസ് മാര്‍ക്ക് നല്‍കുമെന്ന് വിദ്യാഭ്യാസമന്ത്രി വി ശിവന്‍കുട്ടി. നേരത്തെ ശാസ്ത്രീയമായ രീതിയിലല്ല ഗ്രേസ് മാര്‍ക്ക് നല്‍കിയിരുന്നത്. എന്നാല്‍, ഇത്തവണ ഇത് ക്രമീകരിച്ച് നടപ്പാക്കുമെന്നും മന്ത്രി പറഞ്ഞു. ബ്രഹ്മപുരത്തെ വിദ്യാര്‍ഥികള്‍ക്ക് ആശങ്ക വേണ്ട. അടിയന്തര സാഹചര്യമുണ്ടായാല്‍ ഇടപെടാന്‍ പൊതുവിദ്യാഭ്യാസ ഡയറക്ടറര്‍ക്കും എറണാകുളം ജില്ലാ കലക്ടര്‍ക്കും നിര്‍ദേശം നല്‍കിയിട്ടുണ്ടെന്നും മന്ത്രി അറിയിച്ചു.