സംസ്ഥാനങ്ങള്‍ക്ക് ഇതുവരെ നല്‍കിയത് 56 കോടി ഡോസ് വാക്‌സിന്‍

ന്യൂഡല്‍ഹി: രാജ്യത്ത് സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കുമായി ഇതുവരെ വിതരണം ചെയ്തത് 56.76 കോടി ഡോസ് വാക്‌സിന്‍. സംസ്ഥാനങ്ങള്‍ക്ക് നല്‍കാനുള്ള 5,00,240 ഡോസ് തയ്യാറായിക്കൊണ്ടിരിക്കുന്നുണ്ടെന്നും കേന്ദ്ര സര്‍ക്കാര്‍ അറിയിച്ചു.

കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ആകെ 65,76,14,390 പേര്‍ക്കാണ് വാക്‌സിന്‍ നല്‍കിയിട്ടുള്ളത്. എല്ലാ വിഭാഗത്തില്‍പെട്ടവര്‍ക്കും നല്‍കിയ ആകെ വാക്‌സിന്റെ കണക്കാണ് ഇത്.

ജൂണ്‍ 21, 2021 മുതലാണ് കൊവിഡ് വാക്‌സിന്റെ വിതരണം രാജ്യത്ത് ആരംഭിച്ചത്. നല്‍കാവുന്ന വാക്‌സിന്റെ അളവ് അറിഞ്ഞാല്‍ മാത്രമാണ് എത്ര വാക്‌സിന്‍ വിതരണം ആസൂത്രണം ചെയ്യാന്‍ കഴിയൂ.

അതേസമയം വാക്‌സിന്‍ വിതരണത്തോടൊപ്പം വാക്‌സിന്‍ പാഴാക്കിക്കളയുന്നതും വലിയ തലവേദനയായി മാറിയിട്ടുണ്ട്. ഇതുവരെ 54,02,53,875 ഡോസ് വാക്‌സിനാണ് പാഴായിപ്പോയത്.

3.03 കോടി ഡോസ് വാക്‌സിന്‍ ഇപ്പോഴും വിവിധ കേന്ദ്രങ്ങളില്‍ ശേഷിക്കുന്നുണ്ട്.

സംസ്ഥാനങ്ങള്‍ക്കും കേന്ദ്ര ഭരണപ്രദേശങ്ങള്‍ക്കും സൗജന്യമായാണ് കേന്ദ്ര സര്‍ക്കാര്‍ വാക്‌സിന്‍ നല്‍കുന്നത്.