ഗായിക ലതാ മങ്കേഷ്‌കറിന്റെ ആരോഗ്യനില ഗുരുതരം

മുംബൈ; ബോളിവുഡ് ഗായിക ലതാ മങ്കേഷ്‌കറിന്റെ ആരോഗ്യനില ഗുരുതരമായതായി റിപോര്‍ട്ട്. ബ്രീച്ച് കാണ്ടി ആശുത്രി റിപോര്‍ട്ടനുസരിച്ച് ആരോഗ്യനില കൂടുതല്‍ മോശമായിക്കൊണ്ടിരിക്കുകയാണ്. കഴിഞ്ഞ മാസമാണ് അവരെ ആശുപത്രിയില്‍ പ്രവേശിപ്പിച്ചത്.

'ലതാ മങ്കേഷ്‌കറിന്റെ ആരോഗ്യനില അപടത്തിലാണ്. അവര്‍ ഇപ്പോള്‍ വെന്റിലേറ്ററിലാണ്'- ആശുപത്രി വൃത്തങ്ങള്‍ അറിയിച്ചു.

നേരത്തെയും അവര്‍ വെന്‍ഡിലേറ്ററിലായിരുന്നെങ്കിലും ഗുരുതരാവസ്ഥ കുറഞ്ഞതിനെത്തുടര്‍ന്ന് പുറത്തെടുത്തിരുന്നു. ജനുവരി ആദ്യ വാരമാണ് കൊവിഡ് ബാധിച്ച് ലതാ മങ്കേഷ്‌കറെ ആശുപത്രിയില്‍ പ്രവേശിപ്പിച്ചത്. കൊവിഡ് മാറിയിരുന്നെങ്കിലും ആരോഗ്യം മെച്ചപ്പെട്ടിരുന്നില്ല.