പത്തനംതിട്ടയില്‍ ദലിതരെ മര്‍ദ്ദിച്ച എസ്‌ഐക്ക് സ്ഥലം മാറ്റം

പത്തനംതിട്ട: പത്തനംതിട്ടയില്‍ ദലിതരെ മര്‍ദ്ദിച്ച എസ്‌ഐക്ക് സ്ഥലം മാറ്റം. ജില്ലാ പോലിസ് ആസ്ഥാനത്തേക്കാണ് സ്ഥലം മാറ്റം. എസ്‌ഐ എസ് ജിനുവിനെയാണ് സ്ഥലം മാറ്റിയത്. സംഭവത്തില്‍ വിശദമായ റിപോര്‍ട്ട് ജില്ലാ പോലിസ് മേധാവി ഡിഐജിക്ക് നല്‍കി.

ഇന്നലെ രാത്രിയാണ് വിവാഹം കഴിഞ്ഞ് മടങ്ങിയ ഏഴംഗസംഘത്തെ കുടുംബത്തെ എസ്‌ഐ എസ് ജിനുവും സംഘവും ക്രുരമായി മര്‍ദ്ദിച്ചത്. കൈകുഞ്ഞുമായി നില്‍ക്കുന്ന സ്ത്രീകള്‍ ഉള്‍പ്പെടെയുള്ളവരെ പോലിസ് മര്‍ദ്ദിക്കുകയായിരുന്നു.സംഭവത്തില്‍ എസ്സി-എസ്ടി കമ്മീഷന് പരാതി നല്‍കുമെന്ന് കുടുംബം പറഞ്ഞു.

അതേസമയം, ബാറില്‍ അടിയുണ്ടാക്കിയവരെ അന്വേഷിച്ചിറങ്ങിയ പോലിസ് ആളുമാറി മര്‍ദ്ദിക്കുകയായിരുന്നുവെന്നാണ് സ്പെഷ്യല്‍ ബ്രാഞ്ച് റിപോര്‍ട്ട്. സംഭവത്തില്‍ എസ്ഡിപിഐ ആറന്‍മുള നിയോജക മണ്ഡലം കമ്മിറ്റി പ്രതിഷേധിച്ചിരുന്നു.