സംസ്ഥാനത്തെ സെറോ പ്രിവലന്സ് പഠനം ഈ മാസം അവസാനത്തോടെ പൂര്ത്തിയാവും
തിരുവനന്തപുരം: സംസ്ഥാനത്ത് എല്ലാ ജില്ലകളിലും സെറൊ പ്രിവലന്സ് പഠനം നടക്കുകയാണെന്ന് മുഖ്യമന്ത്രി പിണറായി വിജയന്. എത്ര പേര്ക്ക് രോഗം വന്നു മാറി എന്നു മനസ്സിലാക്കാനാണ് പഠനം നടത്തുന്നത്. കുട്ടികളിലും സെറോ പ്രിവലന്സ് പഠനം നടത്തുന്നുണ്ട്. രോഗവ്യാപനത്തിന്റെ തോതും സ്വഭാവവും മനസ്സിലാക്കാനും അതനുസരിച്ച് വാക്സിന് വിതരണവും പ്രതിരോധ പ്രവര്ത്തനങ്ങളും കൂടുതല് കൃത്യതയോടെ നടപ്പിലാക്കാനും പഠനം സഹായകമാകും. ഈ മാസം അവസാനത്തോടെ പഠനം പൂര്ത്തിയാക്കാന് സാധിക്കുമെന്നാണ് കരുതുന്നതെന്ന് മുഖ്യമന്ത്രി അറിയിച്ചു.
ക്വാറന്റീന് ഉള്പ്പെടെയുള്ള കൊവിഡ് നിയന്ത്രണങ്ങള് നടപ്പാക്കുന്നതിനായി പോലിസിന്റെ 16,575 സംഘങ്ങളെയാണ് കഴിഞ്ഞ ഒരാഴ്ച മാത്രം നിയോഗിച്ചത്. 1,45,308 വീടുകളില് കഴിഞ്ഞയാഴ്ച പോലിസ് സന്ദര്ശനം നടത്തി. ക്വാറന്റീനില് കഴിയുന്ന 3,40,781 പേരെയാണ് പോലിസിന്റെ മോട്ടോര് സൈക്കിള് സംഘം സന്ദര്ശിച്ച് വിവരങ്ങള് അരാഞ്ഞത്.
കഴിഞ്ഞയാഴ്ച ക്വാറന്റീനില് കഴിഞ്ഞ 3,47,990 പേരെ ഫോണില് ബന്ധപ്പെട്ട് പോലിസ് വിവരങ്ങള് ശേഖരിച്ചു. ക്വാറന്റീന് ലംഘിച്ച 1239 പേര്ക്കെതിരെ കേസ് രജിസ്റ്റര് ചെയ്തു. 18 വയസിന് മുകളിലുള്ള ബാക്കിയുള്ളവര്ക്ക് കൂടി ഈ മാസം തന്നെ വാക്സിന് നല്കാനുള്ള പരിശ്രമത്തിലാണ് സര്ക്കാര്. രണ്ടു മൂന്നു മാസങ്ങള്ക്കകം രണ്ടാം ഡോസ് വാക്സിനേഷനും പൂര്ത്തിയാക്കാന് കഴിയുമെന്നാണ് കരുതുന്നത്.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT