ഓസ്‌ട്രേലിയന്‍ ഓപ്പണില്‍ നിന്ന് സെറീനാ വില്ല്യംസ് പുറത്ത്

മെല്‍ബണ്‍: ഓസ്‌ട്രേലിയന്‍ ഓപ്പണില്‍ നിന്ന് മുന്‍ ചാംപ്യന്‍ സെറീനാ വില്ല്യംസ് പുറത്ത്. ഇന്ന് നടന്ന വനിതാ വിഭാഗം സിംഗിള്‍സ് പോരാട്ടത്തില്‍ ചൈനയുടെ വാങ് ക്വിങ് ആണ് മൂന്നാം റൗണ്ടില്‍ സെറീനയെ പുറത്താക്കിയത്. സ്‌കോര്‍: 6-4, 6-7, 7-5. 24ാം ഗ്രാന്‍സ്ലാം കിരീടം ലക്ഷ്യം വെച്ചാണ് സെറീന മെല്‍ബണില്‍ ഇറങ്ങിയത്. ഏഴ് തവണ ഓസ്‌ട്രേലിയന്‍ ഓപ്പണ്‍ കിരീടം നേടിയ താരമാണ് സെറീന.

മറ്റൊരു മുന്‍ ലോക ഒന്നാം നമ്പര്‍ താരമായ വൊസനിയാക്കിയും മൂന്നാം റൗണ്ടില്‍ പുറത്തായി. ടുണീഷ്യയുടെ ഓന്‍ ജാബ്യര്‍ 7-5, 3-6, 7-5 സെറ്റുകള്‍ക്കാണ് വൊസനിയാക്കിയെ തോല്‍പ്പിച്ചത്. നിലവിലെ ഒന്നാം നമ്പര്‍ താരം ആഷ്‌ലി ബാര്‍ട്ടി നാലാം റൗണ്ടില്‍ പ്രവേശിച്ചു. എലേനാ റെബാക്കിനെയെ 6-3, 6-2നാണ് ബാര്‍ട്ടി തോല്‍പ്പിച്ചത്.