കടലുണ്ടി പുഴയില്‍ കാണാതായ കുട്ടിക്ക് വേണ്ടിയുള്ള തെരച്ചില്‍ തുടരുന്നു

പരപ്പനങ്ങാടി: പാലത്തിങ്ങല്‍ ന്യൂ കട്ടില്‍ പുഴയില്‍ കാണാതായ 17കാരന് വേണ്ടിയുള്ള തിരച്ചില്‍ തുടരുന്നു. ഇന്നലെ ഉച്ചയോടെയാണ് താനൂര്‍ എടക്കടപ്പുറം സ്വദേശി കമ്മാക്കാന്റെ പുരക്കല്‍ ഷാജഹാന്റെ മകന്‍ ജുറൈജ് (17)കൂട്ടുകാര്‍ക്കൊപ്പം കുളിക്കാനിറങ്ങിയപ്പോള്‍ ഒഴുക്കില്‍പെട്ടത്.

ശക്തമായ അടിയൊഴുക്കുള്ള ഈ പ്രദേശത്ത് ഇന്നലെ തന്നെ കുട്ടിക്ക് വേണ്ടി തെരച്ചില്‍ നടന്നിരുന്നു. രാത്രിയായതോടെ തെരച്ചില്‍ അവസാനിപ്പിക്കുകയായിരുന്നു. ഇന്ന് രാവിലെ ഏഴു മണിയോട് കൂടി തെരച്ചില്‍ ഊര്‍ജിതപെടുത്തിയിട്ടുണ്ട്.

കടലുണ്ടി പുഴയില്‍ കാണാതായ കുട്ടിക്ക് വേണ്ടിയുള്ള തെരച്ചില്‍ തുടരുന്നു pic.twitter.com/3p4JDyI9z5

— Thejas News (@newsthejas) July 10, 2025

താനൂരില്‍ നിന്നെത്തിയ ഫയര്‍ഫോഴ്‌സ് സംഘം, എന്‍ഡിആര്‍എഫ്, ട്രോമ ക്രെയര്‍, മത്സ്യതൊഴിലാളികള്‍, പോലിസ്, നാട്ടുകാര്‍ സന്നദ്ധ സംഘടനകള്‍ എന്നിവര്‍ സംയുക്തമായി ചേര്‍ന്നാണ് തിരച്ചില്‍ പുനരാരംഭിച്ചിരിക്കുന്നത്.