എസ്ഡിപിഐ മലപ്പുറം ജില്ലാ കമ്മിറ്റി നൂറ് കേന്ദ്രങ്ങളില്‍ വാരിയന്‍ കുന്നന്‍ രക്തസാക്ഷി ദിനമാചരിക്കും

മലപ്പുറം: മലബാര്‍ വിപ്ലവത്തിന്റെ നായകന്‍ വാരിയന്‍ കുന്നന്‍ കുഞ്ഞഹമ്മദ് ഹാജിയുടെ രക്തസാക്ഷ്യത്വത്തിന് നൂറ് വയസ്സ് തികയുന്ന ജനുവരി 20 വ്യാഴാഴ്ച മലപ്പുറം ജില്ലയിലെ നൂറ് കേന്ദ്രങ്ങളില്‍ എസ്ഡിപിഐ മലപ്പുറം ജില്ലാ കമ്മിറ്റിയുടെ ആഭിമുഖ്യത്തില്‍ ' രക്തസാക്ഷ്യത്തിന് നൂറാണ്ട് ഞാന്‍ വാരിയന്‍ കുന്നന്‍' എന്ന ശീര്‍ഷകത്തില്‍ ജില്ലയിലെ 100 കേന്ദ്രങ്ങളില്‍ രക്തസാക്ഷി അനുസ്മരണ സംഗമങ്ങള്‍ സംഘടിപ്പിക്കും.

വാരിയന്‍കുന്നന്‍ രക്തസാക്ഷിയായ മലപ്പുറം കോട്ടക്കുന്നില്‍ രാവിലെ 10.30ന് അനുസ്മരണസംഗമം നടത്തും. പരിപാടിയില്‍ പ്രമുഖര്‍ പങ്കെടുക്കും. നേരത്തെ പാര്‍ട്ടി മഞ്ചേരിയില്‍ നിന്നും മലപ്പുറത്തേക്ക് നടത്താന്‍ തീരുമാനിച്ചിരുന്ന വാരിയന്‍ കുന്നന്‍ ചരിത്ര പുനരാവിഷ്‌കാര യാത്ര കൊവിഡ് വ്യാപന പശ്ചാത്തലത്തില്‍ മാറ്റിവച്ചതായും ഭാരവാഹികള്‍ അറിയിച്ചു.