ഇസ്ലാമിക് ബാങ്കിങ് നിയമവിധേയമാക്കാനൊരുങ്ങി റഷ്യ
മോസ്കോ: യുക്രെയ്ന് അധിനിവേശത്തിന്റെ പശ്ചാത്തലത്തില് ഉപരോധം നേരിടുന്ന റഷ്യ ഇസ്ലാമിക് ബാങ്കിങ് നിയമവിധേയമാക്കാന് ആലോചിക്കുന്നു. ഇസ്ലാമിക് ബാങ്കിങ്ങില് വൈദഗ്ധ്യം നേടിയ പുതിയ നോണ്ക്രെഡിറ്റഡ് ഫിനാന്ഷ്യല് സ്ഥാപനങ്ങള് അനുവദിക്കാനാണ് റഷ്യന് അധികാരികള് ഒരുങ്ങുന്നത്. മുസ്ലിം ഭൂരിപക്ഷ രാജ്യങ്ങളില് നിന്നുള്ള നിക്ഷേപകരെ ആകര്ഷിക്കുന്നതിനും ഗാര്ഹിക ഉപഭോക്താക്കളെ തൃപ്തിപ്പെടുത്തുന്നതിനും പാശ്ചാത്യ ഉപരോധം നേരിടുന്ന സര്ക്കാര് നിയന്ത്രിത ബാങ്കുകളെ സഹായിക്കുന്ന ഒരു വളരുന്ന മേഖലയായ രാജ്യത്ത് ഇസ്ലാമിക് ബാങ്കിങ് നിയന്ത്രിക്കുന്നതിനാണ് റഷ്യ ഒരു പുതിയ നിയമം തയ്യാറാക്കുന്നത്.
നോണ്ക്രെഡിറ്റ് ബാങ്കിങ് സ്ഥാപനങ്ങള് ഫിനാന്സിങ് പാര്ട്ണര്ഷിപ്പ് ഓര്ഗനൈസേഷനുകളായി (എഫ്പിഒ) പ്രവര്ത്തിക്കുമെന്നും തങ്ങളുടെ ഉപഭോക്താക്കള്ക്ക് ശരിയത്തിന് അനുസൃതമായ സാമ്പത്തിക ഉല്പ്പന്നങ്ങള് വാഗ്ദാനം ചെയ്യുമെന്നും റഷ്യന് ദിനപത്രമായ കൊമ്മേഴ്സന്റ് റിപോര്ട്ട് ചെയ്തു. എഫ്പിഒകള് റഷ്യയുടെ സെന്ട്രല് ബാങ്കിന് കീഴിലായിരിക്കുമെന്നും അത്തരം കമ്പനികളുടെ എല്ലാ രജിസ്റ്ററുകളും സൂക്ഷിക്കുകയും അവരുടെ പ്രവര്ത്തനങ്ങള്ക്ക് മേല്നോട്ടം വഹിക്കുകയും ചെയ്യുമെന്നും റിപോര്ട്ട് പറയുന്നു.
കരട് നിയമം ലോവര് ഹൗസില് ആഴ്ചാവസാനത്തോടെ അംഗീകാരത്തിനായി സമര്പ്പിക്കാമെന്ന് ഫിനാന്ഷ്യല് മാര്ക്കറ്റിലെ സ്റ്റേറ്റ് ഡുമ കമ്മിറ്റി തലവന് അനറ്റോലി അക്സകോവ് പറഞ്ഞു. ഇസ്ലാമിക് ബാങ്കുകള് മതപരവും ധാര്മികവുമായ മാര്ഗനിര്ദേശങ്ങള്ക്ക് കീഴിലാണ് പ്രവര്ത്തിക്കുന്നത്. പലിശ പേയ്മെന്റുകളും പണ ഊഹക്കച്ചവടങ്ങളും നിരോധിക്കുന്നു. ആഗോള ഇസ്ലാമിക് ബാങ്കിങ് മേഖല പ്രതിവര്ഷം 14 ശതമാനം വളര്ച്ച നേടുകയും 1.99 ട്രില്യന് ഡോളര് മൂല്യമുള്ളതായി കണക്കാക്കുകയും ചെയ്യുന്നു. ഇസ്ലാമികേതര ആഗോള ബാങ്കിങ് വ്യവസായത്തില് ഇത് ആറ് ശതമാനം വിഹിതമാണ്.
കരട് നിയമനിര്മാണം അനുസരിച്ച്, സംഘടനകള്ക്ക് വ്യക്തികളില് നിന്നും നിയമപരമായ സ്ഥാപനങ്ങളില് നിന്നും ഫണ്ട് ശേഖരിക്കാനും പങ്കാളിത്ത അടിസ്ഥാനത്തില് ഇസ്ലാമിക നിയമത്തിന്റെ മാനദണ്ഡങ്ങള്ക്കനുസൃതമായി പദ്ധതികളില് നിക്ഷേപിക്കാനും കഴിയും. ഇസ്ലാമിക നിയമങ്ങള് പലിശയ്ക്ക് പണം കടം കൊടുക്കുന്നത് നിരോധിക്കുന്നു. അതിനാല്, ബാങ്കുകള്ക്കും അവരുടെ സ്റ്റാന്ഡേര്ഡ് ഉല്പ്പന്നങ്ങളുള്ള മറ്റേതെങ്കിലും ക്രെഡിറ്റ് സ്ഥാപനങ്ങള്ക്കും ഈ സേവനം നല്കാന് കഴിയില്ലെന്ന് റിപോര്ട്ട് ചൂണ്ടിക്കാട്ടുന്നു. റഷ്യയില് ഇസ്ലാമിക് ബാങ്കിങ് അവതരിപ്പിക്കുക എന്ന ആശയം വളരെക്കാലമായി ചര്ച്ച ചെയ്യപ്പെട്ടതാണ്.
RELATED STORIES
അബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMTഫ്ളാറ്റില് നിന്ന് കുഞ്ഞിനെ എറിഞ്ഞത് ആമസോൺ പാര്സല് കവറില്;...
3 May 2024 8:53 AM GMT