ശബരിമല തീര്ഥാടനം: വിലവിവരപ്പട്ടിക പ്രദര്ശിപ്പിക്കണം, പ്ലാസ്റ്റിക്കിനും മാംസാഹാരത്തിനും തീര്ത്ഥാടകരുടെ വഴിയോര പാചകത്തിനും നിരോധനം
തിരുവനന്തപുരം: ശബരിമല തീര്ത്ഥാനടവുമായി ബന്ധപ്പെട്ട് ജനങ്ങളും തീര്ത്ഥാടകരും വ്യാപാരികളും പാലിക്കേണ്ട നിര്ദേശങ്ങള് സര്ക്കാര് പുറത്തുവിട്ടു. കൊവിഡ് വ്യാപനവുമായി ബന്ധപ്പെട്ട നിയന്ത്രണങ്ങള് കൂടി പരിഗണിച്ചാണ് ഇത്തവണ മാര്ഗനിര്ദേശം പുറപ്പെടുവിച്ചിട്ടുള്ളത്. പ്രദേശത്ത് ജോലിക്കെത്തുന്നവര്ക്ക് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയിട്ടുണ്ട്.
കൊവിഡ് മാനദണ്ഡങ്ങള് പാലിച്ച് നടത്തുന്ന ഇത്തവണത്തെ ശബരിമല മണ്ഡല-മകരവിളക്ക് തീര്ഥാടനത്തോടനുബന്ധിച്ച് പുണ്യം പൂങ്കാവനം പദ്ധതിയുടെ കീഴില് വരുന്ന ളാഹ മുതല് സന്നിധാനം വരെയുള്ള സ്ഥലങ്ങളില് പ്ലാസ്റ്റിക്ക് കുപ്പികളും പ്ലാസ്റ്റിക്ക് സഞ്ചികളും ഉപയോഗിക്കുന്നതും പൊതുസ്ഥലങ്ങളില് വലിച്ചെറിയുന്നതും നിരോധിച്ചിട്ടുണ്ട്. കേരള പോലീസ് ആക്ടിലെ വകുപ്പ് 80 പ്രകാരമാണ് ഉത്തരവ്.
വിലവിവരപട്ടിക
ശബരിമല മണ്ഡല-മകരവിളക്ക് തീര്ത്ഥാടന കാലയളവില് കച്ചവടക്കാര് അമിത വില ഈടാക്കി തീര്ഥാടകരെ ചൂഷണം ചെയ്യുന്നത് തടയുന്നതിനായി എല്ലാ ഭക്ഷണശാലകളിലും വിവിധ ഭാഷകളില് വിലവിവരപട്ടിക പ്രദര്ശിപ്പിക്കുന്നത് നിര്ബന്ധമാക്കി.
തിരിച്ചറിയല് കാര്ഡും കൊവിഡ് നെഗറ്റീവ് സര്ട്ടിഫിക്കറ്റും
ശബരിമല മണ്ഡല-മകരവിളക്ക് തീര്ത്ഥാടന കാലയളവില് വടശ്ശേരിക്കര മുതല് പമ്പ വരെയുള്ള സ്ഥലങ്ങളിലെ കടകളില് ജോലിക്കായി എത്തുന്നവര്ക്കും മറ്റ് കരാര് ജോലിക്കായി എത്തുന്നവര്ക്കും തിരിച്ചറിയല് കാര്ഡ്, കൊവിഡ് നെഗറ്റീവ് സര്ട്ടിഫിക്കറ്റ്, ഹെല്ത്ത് കാര്ഡ് എന്നിവ നിര്ബന്ധമാക്കി.
വഴിയോരങ്ങളില് പാചകം നിരോധിച്ചു
ശബരിമല മണ്ഡല-മകരവിളക്ക് തീര്ത്ഥാടന കാലയളവില് പത്തനംതിട്ട മുതല് പമ്പ വരെയുള്ള വഴിയോരങ്ങള്, നിലയ്ക്കല് ബേസ് ക്യാമ്പിലെ പാര്ക്കിംഗ് ഗ്രൗണ്ട് എന്നിവടങ്ങളില് വാഹനങ്ങളുടെ സമീപം ഗ്യാസ് സിലിണ്ടര് ഉപയോഗിച്ച് പാചകം ചെയ്യുന്നത് 2005-ലെ ദുരന്തനിവാരണ നിയമപ്രകാരം നിരോധിച്ച് ഉത്തരവായി. ഇത് സംബന്ധിച്ച മുന്നറിയിപ്പ് ബോര്ഡുകള് വിവിധ ഭാഷകളില് ബന്ധപ്പെട്ട തദ്ദേശ സ്ഥാപനങ്ങളും വനംവകുപ്പും തിരുവിതാംകൂര് ദേവസ്വം ബോര്ഡും സ്ഥാപിക്കും.
മാംസാഹാരം അരുത്
ശബരിമല മണ്ഡല-മകരവിളക്ക് തീര്ഥാടന കാലയളവില് നിലയ്ക്കല് ബേസ് ക്യാമ്പ് മുതല് സന്നിധാനം വരെയുള്ള കടകളില് മാംസാഹാരം പാകം ചെയ്യുന്നതും വിതരണം ചെയ്യുന്നതും ഉപയോഗിക്കുന്നതും കേരള പോലീസ് ആക്ടിലെ വകുപ്പ് 80 പ്രകാരം നിരോധിച്ചു.
ഗ്യാസ് സിലിണ്ടറുകള് ശേഖരിച്ചു വയ്ക്കരുത്
ശബരിമല മണ്ഡല-മകരവിളക്ക് തീര്ഥാടന കാലയളവില് ളാഹ മുതല് സന്നിധാനം വരെയുള്ള സ്ഥലങ്ങളിലെ കടകളില് അനുവദനീയമായ എണ്ണത്തില് കൂടുതല് ഗ്യാസ് സിലിണ്ടറുകള് ശേഖരിച്ചു വയ്ക്കുന്നത് നിരോധിച്ചു. കടകളില് ഒരേസമയം ശേഖരിച്ചു വയ്ക്കാവുന്ന ഗ്യാസ് സിലിണ്ടറുകളുടെ എണ്ണം അഞ്ചായി നിജപ്പെടുത്തുകയും ചെയ്തു.
RELATED STORIES
കോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTപുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT'തനിക്ക് ചെയ്യാൻ കഴിയുന്നതെല്ലാം ചെയ്യും'; സിദ്ധാര്ത്ഥന്റെ...
29 March 2024 11:02 AM GMT