പരാതി അറിയിക്കാന്‍ പ്രത്യേക മൊബൈല്‍ നമ്പര്‍; ബൈക്ക് റൈഡര്‍മാരെ ഉള്‍പ്പെടെ പിടികൂടാന്‍ ഓപറേഷന്‍ സൈലന്‍സുമായി മോട്ടോര്‍ വാഹന വകുപ്പ്

തിരുവനന്തപുരം: റോഡില്‍ നിയമലംഘനം നടത്തുന്ന ബൈക്ക് റൈഡര്‍മാരെ ഉള്‍പ്പെടെ പിടികൂടാന്‍ പൊതുജനങ്ങളുടെ സഹായം തേടി മോട്ടോര്‍വാഹന വകുപ്പ്. കാറിലേയും ഇരുചക്ര വാഹനങ്ങളിലെയും സൈലന്‍സറുകള്‍ ഉള്‍പ്പെടെ മാറ്റി ഒരുചെറിയ വിഭാഗം റോഡില്‍ നടത്തുന്ന അഭ്യാസ പ്രകടനങ്ങള്‍ക്ക് നിരപരാധികള്‍ ഇരകളാവുന്നു. വീടിനുള്ളില്‍ കഴിയുന്ന കൈക്കുഞ്ഞുങ്ങള്‍ മുതല്‍ വയോധികര്‍ വരെ ഇത്തരം അഭ്യാസങ്ങളിലൂടെ അപകടത്തില്‍ പെട്ടിട്ടുണ്ട്.

നിയമ ലംഘകര്‍ റോഡ് സുരക്ഷക്ക് ഉയര്‍ത്തുന്ന ഭീഷണിക്കു പുറമെ തീവ്രശബ്ദം മൂലം കുട്ടികള്‍, വയോധികര്‍, ഹൃദ്രോഗികള്‍ ഉള്‍പ്പെടെ പൊതുസമൂഹത്തിന് കനത്ത ആരോഗ്യ ഭീഷണിയും ഉയര്‍ത്തുന്നുണ്ട്. നിയമ ലംഘനങ്ങള്‍ തടയാന്‍ ഓപ്പറേഷന്‍ സൈലന്‍സ് എന്ന പേരില്‍ ഒരു പ്രത്യേക പരിശോധന മോട്ടോര്‍ വാഹന വകുപ്പ് ആരംഭിച്ചു.

എന്നാല്‍ പരിമിതമായ അംഗ സംഖ്യയുള്ള മോട്ടോര്‍ വാഹന വകുപ്പിലെ ഉദ്യോഗസ്ഥരുടെ പ്രവര്‍ത്തനം കൊണ്ടു മാത്രം ഇത്തരം നിയമ ലംഘനങ്ങള്‍ തടയാനാവില്ല. അതിന് വകുപ്പ് പൊതുജനങ്ങളുടെ സഹായം കൂടി അഭ്യര്‍ഥിച്ചു.

വാഹനങ്ങള്‍ റോഡ് സുരക്ഷക്ക് ഭീഷണിയാകുന്ന രൂപമാറ്റങ്ങള്‍ വരുത്തുക, സൈലന്‍സറുകള്‍ മാറ്റി അതി തീവ്ര ശബ്ദം പുറപ്പെടുവിക്കുക, പൊതു നിരത്തുകളില്‍ അഭ്യാസം പ്രകടനം / മല്‍സരയോട്ടം നടത്തുക, അമിത വേഗതയിലും അപകടകരമായും വാഹനമോടിക്കുക തുടങ്ങിയ പൊതുജനങ്ങളുടെ സുരക്ഷക്കും സൈ്വര ജീവിതത്തിനും ഭീഷണിയും തടസ്സവും സൃഷ്ടിക്കുന്ന വാഹനങ്ങളെ /ഡ്രൈവര്‍മാരെ പറ്റിയുള്ള വിവരങ്ങള്‍ ഫോട്ടോകള്‍ / ചെറിയ വീഡിയോകള്‍ സഹിതം അതത് ജില്ലകളിലെ എന്‍ഫോഴ്‌സ്‌മെന്റ് ആര്‍ടിഒ മാരെ അറിയിക്കാം. വിവരങ്ങള്‍ നല്‍കുന്നവരുടെ വിശദാംശങ്ങള്‍ രഹസ്യമായി സൂക്ഷിക്കും.

മേല്‍പ്പറഞ്ഞ നിയമ ലംഘനങ്ങളുടെ ഫോട്ടോ /വീഡിയോ കളോടൊപ്പം സ്ഥലം, താലൂക്ക്, ജില്ല എന്നീ വിശദാശംകള്‍ കൂടി ഉള്‍പ്പെടുത്തം

വിവരങ്ങള്‍ അറിയിക്കേണ്ട മൊബൈല്‍ നമ്പരുകള്‍

1. Tvpm 9188961001

2. Kollam 9188961002

3. Pta- 9188961003

4. Alpy 9188961004

5. Ktym- 9188961005

6. Idukki 9188961006

7. Erkm- 9188961007

8. Tsr 9188961008

9. Pkd 9188961009

10. Mlpm 9188961010

11. Kozhikode 9188961011

12. Wayanad- 9188961012

13. Kannur 9188961013

14. Kasargod 9188961014