രേഖകളില്ലാതെ കടത്താന്‍ ശ്രമിച്ച ഒരു കോടി രൂപ പിടികൂടി

ബത്തേരി: ബസ് യാത്രക്കാരനില്‍ നിന്നും രേഖകളില്ലാത്ത 1.36 കോടി രൂപ പിടികൂടി. തിരൂരങ്ങാടി വള്ളിക്കുന്ന് അമ്മത്തൂര്‍ വീട്ടില്‍ അബ്ദുള്‍ റസാഖില്‍ നിന്നാണ് ബത്തേരി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എംകെ സുനിലിന്റെ നേതൃത്വത്തിലുള്ള സംഘം പണം പിടികൂടിയത്. ബെംഗളൂരുവില്‍ നിന്നും കോഴിക്കോട്ടേക്കുള്ള കര്‍ണാടക ട്രാന്‍സ്‌പോര്‍ട്ട് കോര്‍പറേഷന്റെ സ്ലീപ്പര്‍ ബസിലെ യാത്രക്കാരനായിരുന്നു റസാഖ്. ഞായര്‍ പുലര്‍ച്ചെ മൂന്നിനാണ് ബസ് മീനങ്ങാടിയില്‍ എത്തിയത്. അപ്പോഴാണ് എക്‌സൈസ് സംഘം ബസില്‍ പരിശോധന നടത്തിയത്.