വ്യാജ പ്രചാരണങ്ങള്‍ തന്നെ ബാധിക്കില്ലെന്ന് രാഹുല്‍ മാങ്കൂട്ടത്തില്‍

പാലക്കാട്: വ്യാജ പ്രചാരണങ്ങള്‍ തന്നെ ബാധിക്കില്ലെന്ന് യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തില്‍ എംഎല്‍എ. കാലങ്ങളായി ഇത്തരം പ്രചാരണങ്ങള്‍ നടക്കുകയാണെന്നും അദ്ദേഹം പറഞ്ഞു. സമൂഹ മാധ്യമങ്ങളില്‍ തനിക്കെതിരെ ഉയരുന്ന പ്രചാരണങ്ങള്‍ക്കെതിരെ സംസാരിക്കുകയായിരുന്നു രാഹുല്‍. മുഖമില്ലാത്തവര്‍ പറയുന്നത് ആര് ശ്രദ്ധിക്കുന്നുവെന്ന് ചോദിച്ച രാഹുല്‍ തനിക്കെതിരെ അപവാദപ്രചാരണങ്ങള്‍ പതിവാണെന്നും പറഞ്ഞു. ആര്‍ക്കെതിരെയും പറയാന്‍ പറ്റുന്ന കാര്യങ്ങളാണ് ഉയരുന്നത്. പല സ്ത്രീകളുടെയും പേരുകള്‍ പറയുന്നു. നിയമവിരുദ്ധമായി എന്തെങ്കിലും കാര്യങ്ങളെക്കുറിച്ച് പറയുന്നവര്‍ക്ക് അറിവുണ്ടോ. മുഖമില്ലാതെ നടത്തുന്ന പ്രവര്‍ത്തനങ്ങള്‍ എത്ര കാലമായി തുടങ്ങിയിട്ട്. ഓരോ മാസവും ഓരോ കാര്യങ്ങള്‍ പറയുന്നുവെന്നും രാഹുല്‍ പറഞ്ഞു.