വിലക്കയറ്റം തടയാന് പൊതുവിതരണ സംവിധാനം ശക്തിപ്പെടുത്തുമെന്ന് ധനകാര്യ വകുപ്പ് മന്ത്രി
തിരുവനന്തപുരം: വിലക്കയറ്റം തടയാന് പൊതുവിതരണ സംവിധാനം കൂടുതല് ശക്തിപ്പെടുത്തുമെന്ന് ധനകാര്യ വകുപ്പ് മന്ത്രി കെ.എന്. ബാലഗോപാല് പറഞ്ഞു. വെള്ളപ്പൊക്കം മൂലമുണ്ടായ പച്ചക്കറികളുടെയും മറ്റ് അവശ്യ സാധനങ്ങളുടെയും വിലക്കയറ്റമാണ് ഇന്ന് പ്രധാനമായുമുള്ളത്. റിസര്വ് ബാങ്ക് ഓഫ് ഇന്ത്യ രാജ്യത്തെ വിലക്കയറ്റത്തെ സംബന്ധിച്ച് കഴിഞ്ഞ ദിവസങ്ങളില് ആശങ്ക പ്രകടിപ്പിച്ചിരുന്നു. ഈ സാഹചര്യത്തില് സംസ്ഥാന സര്ക്കാര് പൊതുവിതരണ സംവിധാനം കൂടുതല് ശക്തിപ്പെടുത്തുവാനുള്ള നടപടികള് കൈക്കൊള്ളും.
കൊവിഡിനു ശേഷമുള്ള പല മാറ്റങ്ങളും വിപണിയെ വലിയ രീതിയില് സ്വാധീനിച്ചിട്ടുണ്ട്. വിലക്കയറ്റം മറ്റ് സംസ്ഥാനങ്ങളും അഭിമുഖീകരിക്കുന്ന പ്രധാന പ്രശ്നമാണ്. വിലക്കയറ്റം തടയാന് കേന്ദ്രത്തിന്റെ ഇടപെടല് അത്യാവശ്യമാണ്. ജി.എസ്.ടി നിയന്ത്രണങ്ങള് ഉള്പ്പെടെയുള്ള പല കാര്യങ്ങളും കേന്ദ്ര സര്ക്കാര് നിയന്ത്രണത്തിലാണുള്ളത്. ഇതുമൂലം സംസ്ഥാനങ്ങള്ക്കുണ്ടാകുന്ന ബുദ്ധിമുട്ടുകള് കേന്ദ്ര സര്ക്കാര് മനസ്സിലാക്കി ക്രിയാത്മകമായ ഇടപെടല് നടത്തുമെന്നാണ് വിശ്വസിക്കുന്നതെന്ന് മന്ത്രി അഭിപ്രായപ്പെട്ടു. 'കൂട്ടിയവര് കുറയ്ക്കട്ടെ' എന്ന സംസ്ഥാന സര്ക്കാരിന്റെ അഭിപ്രായം ശരിവയ്ക്കുന്നതാണ് കേന്ദ്ര സര്ക്കാരിന്റെ കാര്ഷിക നിയമം പിന്വലിച്ച നടപടി. ജനങ്ങളുടെ എതിര്പ്പുകള് കേന്ദ്ര സര്ക്കാര് മനസ്സിലാക്കി ഗൗരവമായി ചര്ച്ച ചെയ്ത് പരിഹാരം കാണുമെന്നാണ് സര്ക്കാര് പ്രതീക്ഷിക്കുന്നതെന്ന് മന്ത്രി പറഞ്ഞു.
RELATED STORIES
കടലിൽ കാണാതായ വിദ്യാർത്ഥിയുടെ മൃതദേഹം കണ്ടെത്തി
20 April 2024 6:06 AM GMTഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMT