പ്രക്ഷോഭം ഹൈദരാബാദിലേക്കും; ചാര്‍മിനാറില്‍ വന്‍ പ്രതിഷേധം

ഹൈദരാബാദ്: പൗരത്വ നിയമ ഭേദഗതിക്കെതിരായ രാജ്യവ്യാപകമായി പടരുന്ന പ്രക്ഷോഭത്തിന്റെ അലയൊലി ഹൈദരാബാദിലേക്കും. ജുമുഅ നമസ്‌കാരാനന്തരം ഡല്‍ഹി ജുമാ മസ്ജിദിനു മുമ്പില്‍നിന്നാരംഭിച്ച വന്‍ പ്രതിഷേധ റാലിക്കൊപ്പം

ഹൈദരാബാദിലെ ചാര്‍മിനാര്‍, മക്ക മസ്ജിങ് എന്നിവയ്ക്ക് മുന്നിലും ജനം തടിച്ചുകൂടി പ്രതിഷേധിച്ചു. ഉച്ചയ്ക്ക് ജുമാ നമസ്‌കാരത്തിന് ശേഷമാണ് പ്രതിഷേധവുമായി ജനങ്ങള്‍ റോഡിലേക്കിറങ്ങിയത്. മുദ്രാവാക്യം വിളിച്ച് ജനം കൂട്ടംകൂടിയതോടെ സ്ഥലത്ത് നിലയുറപ്പിച്ച പോലfസ് പിരിഞ്ഞ് പോകണമെന്ന് ആവശ്യപ്പെട്ടെങ്കിലും ജനക്കൂട്ടം ഇതിന് തയ്യാറായില്ല. പ്രതിഷേധത്തിനെത്തിയ നിരവധി പേരെ പോലീസ് ഇവിടെനിന്നും അറസ്റ്റ് ചെയ്ത് നീക്കി.