പോപ്പുലര് ഫിനാന്സ് തട്ടിപ്പ്: പ്രത്യേക സംഘം അന്വേഷണം ആരംഭിച്ചു
തിരുവനന്തപുരം: പോപ്പുലര് ഫിനാന്സ് സാമ്പത്തിക തട്ടിപ്പ് കേസില് പ്രത്യേക സംഘം അന്വേഷണം ആരംഭിച്ചു . കേസില് സ്ഥാപനം ഉടമ റോയി ഡാനിയേലിന് പുറമേ ഡയറക്ടര് ബോര്ഡ് അംഗങ്ങളും പ്രതികളാകും. പോപ്പുലര് ഫിനാന്സ് എന്ന സ്ഥാപനവുമായി ബന്ധപ്പെട്ട് വമ്പന് തിരിമറികള് നടന്നതിന്റെ തെളിവുകള് പോലിസിന് ലഭിച്ചിട്ടുണ്ട്. കേസില് ഡാനിയേലിനും ഭാര്യ പ്രഭയ്ക്കുമെതിരേ പോലിസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.
1500 നിക്ഷേപകര് കബളിപ്പിക്കപ്പെട്ടതായാണ് വിവരം. . പോലിസിന്റെ പ്രാഥമിക അന്വേഷണത്തില് 274 ശാഖകളിലായി 2000 കേടി രൂപ നിക്ഷേപിച്ചിട്ടുണ്ടെന്നാണ് കണ്ടെത്തെല്. വകായാറിലെ ആസ്ഥാനം പൂട്ടിയതറിഞ്ഞ് പരാതിയുമായി എത്തുന്നവരുടെ എണ്ണം കൂടി വരികയാണ്. സാമ്പത്തിക തട്ടിപ്പുമായി ബന്ധപ്പെട്ട് കോന്നി, പത്തനംതിട്ട പോലിസ് സ്റ്റേഷനുകളിലായി രണ്ട് കേസുകളാണ് നിലവില് രജിസ്റ്റര് ചെയ്തിരിക്കുന്നത്. പത്തനംതിട്ട ജില്ലാ പോലിസ് മേധാവിയുടെ നിര്ദേശ പ്രകാരം അടൂര് ഡിവൈഎസ്പിയുടെ നേതൃത്വത്തില് കേസ് അന്വേഷിക്കാന് പ്രത്യേക സംഘത്തെ രൂപീകരിച്ചു. വിശ്വാസ വഞ്ചന, സാമ്പത്തിക ക്രമക്കേട്, തുടങ്ങിയ വകുപ്പുകള് പ്രതിള്ക്കെതിരെ ചുമത്തും. കേസില് ഡയറക്ടര് ബോര്ഡ് സ്ഥാനത്തുള്ള എല്ലാവരും പ്രതികളാകുമെന്നും ജില്ലാ പോലിസ് മേധാവി വ്യക്തമാക്കി.
സ്ഥാപനത്തിന്റെ ഉടമ റോയി ഡാനിയേലും ഭാര്യ പ്രഭയും വിദേശത്തേക്ക് കടക്കാനുള്ള സാധ്യത മുന്നില് പോലിസ് കഴിഞ്ഞ ദിവസം ലുക്ക് ഔട്ട് നോട്ടീസ് ഇറക്കിയിരുന്നു. ഇവരെ കണ്ടെത്താനുള്ള ശ്രമവും അന്വേഷണ സംഘം തുടങ്ങി. നിലവില് ഇരുവരും ഇന്ത്യക്ക് പുറത്തേക്ക് പോയിട്ടില്ലെന്നാണ് പോലിസിന് കിട്ടിയ വിവരം. അതേസമയം പോപ്പുലറിന് വേണ്ടി മറ്റൊരു പ്രമുഖ പണമിടപാട് സ്ഥാപനവുമായി ചര്ച്ചകള് നടന്നിരുന്നു. 1965 ല് ആണ് പോപ്പുലര് ഫിനാന്സ് പ്രവര്ത്തനം ആരംഭിക്കുന്നത്. ആദ്യം ചിട്ടി കമ്പിനായായിട്ടായിരുന്നു തുടങ്ങിയത്. പിന്നീടാണ് സ്വകാര്യ പണമിടപാട് സ്ഥാപനമായി വളരുന്നത്.
RELATED STORIES
എഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMTപഞ്ചാബിലെ സംഗ്രൂര് ജയിലില് തടവുകാര് ഏറ്റുമുട്ടി; രണ്ട് തടവുകാര്...
20 April 2024 7:57 AM GMTമദ്യം നൽകി വിദ്യാർഥിനികളെ പീഡിപ്പിച്ച രണ്ടുപേർ പിടിയിൽ
20 April 2024 7:56 AM GMTകൽപറ്റ നഗരത്തിൽ വീണ്ടും കാട്ടുപോത്ത്
20 April 2024 7:55 AM GMT