മകളെ പീഡിപ്പിച്ച പിതാവിന് 17 വര്‍ഷം തടവ്

കൊല്ലം: മകളെ ലൈംഗികമായി ചൂഷണം ചെയ്‌തെന്ന കേസില്‍ പിതാവിനെ 17 വര്‍ഷം കഠിനതടവിന് ശിക്ഷിച്ചു. ചന്ദനത്തോപ്പ് സ്വദേശിയായ 51കാരനെയാണ് കൊല്ലം അതിവേഗ സ്പെഷ്യല്‍ കോടതി എ സമീര്‍ ശിക്ഷിച്ചത്. പ്രതി 1.75 ലക്ഷം രൂപ പിഴയും അടക്കണം. തുക നല്‍കിയില്ലെങ്കില്‍ 14 മാസം അധികം തടവ് ശിക്ഷ അനുഭവിക്കണം. കുണ്ടറ ഇന്‍സ്പെക്ടര്‍ സിജിന്‍ മാത്യു കുറ്റപത്രം സമര്‍പ്പിച്ച കേസില്‍ പ്രോസിക്യൂഷന് വേണ്ടി സ്പെഷ്യല്‍ പബ്ലിക്ക് പ്രോസിക്യൂട്ടര്‍ ആര്‍ സരിത ഹാജരായി.