പതഞ്ജലി കേസില് കോടതിയില് മാപ്പപേക്ഷിച്ച് ബാബാ രാംദേവ്; ഈ ക്ഷമ ചോദിക്കല് ഹൃദയത്തില് നിന്നുള്ളതല്ലെന്ന് കോടതി
![പതഞ്ജലി കേസില് കോടതിയില് മാപ്പപേക്ഷിച്ച് ബാബാ രാംദേവ്; ഈ ക്ഷമ ചോദിക്കല് ഹൃദയത്തില് നിന്നുള്ളതല്ലെന്ന് കോടതി പതഞ്ജലി കേസില് കോടതിയില് മാപ്പപേക്ഷിച്ച് ബാബാ രാംദേവ്; ഈ ക്ഷമ ചോദിക്കല് ഹൃദയത്തില് നിന്നുള്ളതല്ലെന്ന് കോടതി](https://www.thejasnews.com/h-upload/2024/04/02/218795-pathamjali.webp)
ന്യൂഡല്ഹി: പതഞ്ജലി പരസ്യ വിവാദ കേസില് യോഗ ആചാര്യന് ബാബാ രാംദേവിനും പതഞ്ജലി എംഡി ആചാര്യ ബാല് കൃഷ്ണയ്ക്കും സുപ്രിംകോടതിയുടെ ശകാരം. കോടതി വിധി മാനിക്കാതിരുന്നതിനെ തുടര്ന്ന് ഇരുവര്ക്കുമെതിരായ കോടതിയലക്ഷ്യ കേസ് പരിഗണിക്കുകയായിരുന്നു സുപ്രിംകോടതി. കോടതി ഉത്തരവ് പ്രകാരമുള്ള മറുപടികള് സമര്പ്പിച്ചില്ലെന്നും ഉന്നത നീതിപീഠത്തിന്റെ ഉത്തരവുകളെ ലഘുവായി എടുക്കരുതെന്നും കോടതി വ്യക്തമാക്കി.
തെറ്റിദ്ധാരണ ജനിപ്പിക്കുംവിധത്തില് പരസ്യം നല്കിയെന്നാണ് പതഞ്ജലിക്കെതിരായ കേസ്. ഇന്ത്യന് മെഡിക്കല് അസോസിയേഷനാണ് പരാതി ഉന്നയിച്ചത്. അലോപ്പതി അടക്കമുള്ള ആരോഗ്യ ശാഖകളെ കളിയാക്കുന്നുവെന്നും തെറ്റിദ്ധരിപ്പിച്ച് ഉല്പ്പന്നങ്ങള് വില്ക്കുന്നുവെന്നുമായിരുന്നു പരാതി. പരസ്യങ്ങള് നിയന്ത്രിക്കണമെന്ന് ആവശ്യപ്പെട്ട് സുപ്രിം കോടതി നോട്ടിസ് നല്കിയെങ്കിലും ഇവരാരും പ്രതികരിച്ചില്ല. പിന്നീട് കോടതിയലക്ഷ്യ നടപടിയുമായി സുപ്രിം കോടതി മുന്നോട്ട് പോവുകയായിരുന്നു.
അതേസമയം കോടതിയില് വീണ്ടും മാപ്പുപറഞ്ഞ് അപേക്ഷിച്ചു ബാബാ രാംദേവ്. തനിക്ക് പിഴവ് സംഭവിച്ചെന്നും ക്ഷമിക്കണമെന്നുമായിരുന്നു അപേക്ഷ. എന്നാല് ഈ ക്ഷമ ചോദിക്കല് ഹൃദയത്തില് നിന്നുള്ളതല്ലെന്ന് കോടതി വിമര്ശിച്ചു. കടുത്ത ഭാഷയിലാണ് ബാബാം രാംദേവിനെ കോടതി വിമര്ശിച്ചത്.
നേരത്തെ കോടതിയില് സമര്പ്പിച്ച സത്യവാങ്മൂലത്തില് ഇരുവരും നിരുപാധികം മാപ്പ് അപേക്ഷിച്ചിരുന്നു. അവകാശവാദങ്ങള് അശ്രദ്ധമായി ഉള്പ്പെട്ടതാണെന്നും തെറ്റായ പരസ്യങ്ങള് നല്കിയതില് ഖേദിക്കുന്നുവെന്നുമായിരുന്നു പതഞ്ജലി സത്യവാങ്മൂലത്തില് പറഞ്ഞിരുന്നത് . കോടതി ഉത്തരവിനെ കുറിച്ച് പരസ്യ വിഭാഗത്തിന് അറിയില്ലായിരുന്നുവെന്ന് വാദമുയര്ത്തിയിരുന്നു.
പതഞ്ജലിയുടെ വ്യാജ പരസ്യങ്ങള് തടയാന് കേന്ദ്രസര്ക്കാര് എന്തുചെയ്തെന്ന് കേന്ദ്ര സര്ക്കാരിന് വേണ്ടി ഹാജരായ സോളിസിറ്റര് ജനറല് തുഷാര് മേത്തയോട് കോടതി ആരാഞ്ഞു. പതഞ്ജലിയുമായി കേന്ദ്ര, സംസ്ഥാന സര്ക്കാരുകള് കൈകോര്ത്ത് പ്രവര്ത്തിക്കുന്നെന്നും സുപ്രിം കോടതി കുറ്റപ്പെടുത്തി. പതഞ്ജലിയുടെ വ്യാജ പരസ്യങ്ങള് തടയാന് കേന്ദ്രസര്ക്കാര് എന്തുചെയ്തെന്ന് കേന്ദ്ര സര്ക്കാരിന് വേണ്ടി ഹാജരായ സോളിസിറ്റര് ജനറല് തുഷാര് മേത്തയോട് കോടതി ആരാഞ്ഞു. പതഞ്ജലിയുമായി കേന്ദ്ര, സംസ്ഥാന സര്ക്കാരുകള് കൈകോര്ത്ത് പ്രവര്ത്തിക്കുന്നെന്നും സുപ്രിം കോടതി കുറ്റപ്പെടുത്തി.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT