പത്തനംതിട്ട കലഞ്ഞൂരില്‍ വീണ്ടും പുലിയിറങ്ങി

പത്തനംതിട്ട: കലഞ്ഞൂരില്‍ വീണ്ടും പുലിയിറങ്ങി. കാരക്കുഴി- ഇഞ്ചപ്പാറ റോഡിനടുത്ത് വൈകീട്ട് മൂന്ന് മണിയോടെയാണ് പുലിയെ കണ്ടത്. കഴിഞ്ഞ ദിവസം ഈ പ്രദേശത്ത് പുലിയിറങ്ങിയതിന്റെ ദൃശ്യങ്ങള്‍ പുറത്തുവന്നിരുന്നു. പരിശോധന നടക്കുന്നതിനിടെയാണ് വീണ്ടും പുലിയെ കണ്ടത്.

സമീപത്തെ റബ്ബര്‍ തോട്ടത്തില്‍ പതുങ്ങിയിരുന്ന പുലി മനുഷ്യസാന്നിധ്യം തിരിച്ചറിഞ്ഞതിനെ തുടര്‍ന്ന് ഓടി മറയുന്നതിനിടെ കാല്‍നടയാത്രക്കാരുടെ ശ്രദ്ധയില്‍പ്പെടുകയായിരുന്നു. സ്ഥലത്ത് മൂന്ന് ടീമുകളായി വനം വകുപ്പ് ഉദ്യോഗസ്ഥര്‍ പരിശോധന നടത്തുകയാണ്. 12 ദിവസത്തിനിടെ അഞ്ചാം തവണയാണ് പുലിയെ കാണുന്നത്.