കള്ളനെന്ന് ആരോപിച്ച് മര്‍ദ്ദനം; പാലക്കാട്ട് ഇതര സംസ്ഥാന തൊഴിലാളി മരിച്ചു

പാലക്കാട്: കള്ളനെന്ന് ആരോപിച്ച് മര്‍ദനത്തിന് ഇരയായ ഇതര സംസ്ഥാന തൊഴിലാളി മരിച്ചു. ഛത്തീസ്ഗഡ് സ്വദേശി രാംനാരായണനാണ് മരിച്ചത്. കള്ളനെന്ന് ആരോപിച്ചാണ് ഇയാളെ ചിലര്‍ മര്‍ദ്ദിച്ചത്. സംഭവവുമായി ബന്ധപ്പെട്ട് മൂന്നുപേര്‍ വാളയാര്‍ പോലിസിന്റെ കസ്റ്റഡിയില്‍. രാംനാരായണന്റെ മൃതദേഹം നാളെ തൃശൂര്‍ മെഡിക്കല്‍ കോളേജില്‍ വച്ച് പോസ്റ്റുമോര്‍ട്ടം നടത്തും. മര്‍ദ്ദനമേറ്റ് അവശനായ ഇയാളെ ഇന്നലെ വൈകുന്നേരമാണ് പാലക്കാട് ജില്ലാ ആശുപത്രിയിലേക്കു മാറ്റിയത്. തുടര്‍ന്ന് ഇന്നലെ രാത്രിയോടെയാണ് ഇയാള്‍ മരിച്ചത്. സംഭവത്തില്‍ പോലിസ് കേസെടുത്ത് അന്വേഷണം ആരംഭിച്ചിരുന്നു. രാംനാരായണന്റെ മൃതദേഹം നാളെ തൃശൂര്‍ മെഡിക്കല്‍ കോളേജില്‍ വച്ച് പോസ്റ്റുമോര്‍ട്ടം നടത്തുമെന്നും അതിനുശേഷം മാത്രമേ മരണകാരണം വ്യക്തമാകുവെന്നും പോലിസ് പറഞ്ഞു.