തിരഞ്ഞെടുപ്പ് കാലത്തെ റെയ്ഡ്: ആദായനികുതി മേധാവിയോട് തിരഞ്ഞെടുപ്പ് കമ്മീഷന് വിശദീകരണം തേടി
റവന്യൂ സെക്രട്ടറി എ ബി പാണ്ഡേ, സിഡിബിടി ബോര്ഡ് ചെയര്മാന് പി സി മോഡി എന്നിവര് തിരഞ്ഞെടുപ്പ് കമ്മീഷനു മുമ്പിലെത്തി റെയ്ഡിനെക്കുറിച്ച് വിശദീകരിച്ചു.
ന്യൂഡല്ഹി: തിരഞ്ഞെടുപ്പ് വിജ്ഞാപനം പുറപ്പെടുവിച്ചതിനു പിന്നാലെ രാജ്യവ്യാപകമായി ആദായനികുതി വകുപ്പ് റെയ്ഡ് നടത്തുന്നതില് തിരഞ്ഞെടുപ്പ് കമ്മീഷന് വിശദീകരണം തേടി. ആദായ നികുതി ബോര്ഡ് ചെയര്മാനെയും റവന്യൂ സെക്രട്ടറിയെയും വിളിപ്പിച്ചാണ് തിരഞ്ഞെടുപ്പ് കമ്മീഷന് ഇതു സംബന്ധിച്ച് വിശദീകരണം തേടിയത്.റവന്യൂ സെക്രട്ടറി എ ബി പാണ്ഡേ, സിഡിബിടി ബോര്ഡ് ചെയര്മാന് പി സി മോഡി എന്നിവര് തിരഞ്ഞെടുപ്പ് കമ്മീഷനു മുമ്പിലെത്തി റെയ്ഡിനെക്കുറിച്ച് വിശദീകരിച്ചു.
ആദായ നികുതി വകുപ്പിനെ ഉപയോഗിച്ച് മോദി സര്ക്കാര് തെരഞ്ഞെടുപ്പിന് മുമ്പ് തങ്ങളെ ഭയപ്പെടുത്താന് ശ്രമിക്കുകയാണെന്ന് പ്രതിപക്ഷ പാര്ട്ടികള് ആരോപിച്ചിരുന്നു. പ്രതിപക്ഷ പാര്ട്ടി നേതാക്കളായ ബഹുജന് സമാജ് വാദി പാര്ട്ടിയുടെ മായാവതി, കര്ണാടക മുഖ്യമന്ത്രി എച്ച് ഡി കുമാരസ്വാമി, മധ്യപ്രദേശ് മുഖ്യമന്ത്രി കമല്നാഥ് എന്നിവരെ ലക്ഷ്യമിട്ട് നിരവധി റെയ്ഡുകളാണ് ആദായ നികുതി വകുപ്പ് കഴിഞ്ഞ ദിവസങ്ങളില് നടത്തിയത്.
റെയ്ഡുകള് മുന്കൂട്ടി അറിയിക്കണമെന്ന് തിരഞ്ഞെടുപ്പ് കമ്മീഷന് എന്ഫോഴ്സ്മെന്റിനും ആദായനികുതി വകുപ്പിനും കഴിഞ്ഞ ദിവസം നിര്ദ്ദേശം നല്കിയിരുന്നു. നടപടികള് നിഷ്പക്ഷമായിരിക്കണമെന്നും കമ്മീഷന് ആവശ്യപ്പെട്ടിരുന്നു. മധ്യപ്രദേശ് മുഖ്യമന്ത്രി കമല് നാഥിന്റെ അടുത്ത സഹായികളുടെ വീട്ടില് നടന്ന റെയ്ഡിന് പിന്നാലെയായിരുന്നു കമ്മീഷന്റെ ഈ നിര്ദേശം.
കമല് നാഥിന്റെ ബന്ധു രതുല് പുരി, ഓഫീസിന്റെ പ്രത്യേക ചുമതലയുള്ള പ്രവീണ് കക്കാര്, മുന് ഉപദേഷ്ടാവ് രജേന്ദ്ര കുമാര് എന്നിവരുടെ വീടുകളിലാണ് റെയ്ഡ് നടന്നത്. പരിശോധനയും മൊഴിയെടുക്കലും തുടരുകയാണ്.
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT