ഐഎസ്എല്‍; കൊമ്പന്‍മാര്‍ക്ക് വീണ്ടും തോല്‍വി

ഭുവനേശ്വര്‍: ഐഎസ്എല്ലില്‍ കേരളാ ബ്ലാസ്‌റ്റേഴ്‌സിന് വീണ്ടും തോല്‍വി. ഒഡീഷാ എഫ് സി 2-1നാണ് മഞ്ഞപ്പടയെ വീഴ്ത്തിയത്. ഒരു ഗോള്‍ നേടിയതിന് ശേഷമാണ് കൊമ്പന്‍മാര്‍ക്ക് കാലിടറിയത്. 35ാം മിനിറ്റില്‍ ഹര്‍മന്‍ജോത് ഖാബ്രയാണ് ബ്ലാസ്‌റ്റേഴ്‌സിന് ലീഡ് നല്‍കിയത്. പ്രതിരോധത്തിലൂന്നി കളിച്ച ഒഡീഷ മഞ്ഞപ്പടയെ നിലത്ത് നിര്‍ത്താന്‍ അനുവദിച്ചില്ല.ജെറി മാവിംതാംഗ(54), പെഡ്രോ മാര്‍ട്ടിന്‍ (86) എന്നിവരാണ് ഒഡീഷയുടെ സ്‌കോറര്‍മാര്‍. ജയത്തോടെ ഒഡീഷ ലീഗില്‍ മൂന്നാം സ്ഥാനത്തേക്ക് കുതിച്ചു. ബ്ലാസ്‌റ്റേഴ്‌സ് ഒമ്പതാം സ്ഥാനത്താണ്. കഴിഞ്ഞ മല്‍സരത്തില്‍ എടികെയോട് ബ്ലാസ്‌റ്റേഴ്‌സ് പരാജയപ്പെട്ടിരുന്നു.