മുഖ്യമന്ത്രിയായിരിക്കാന് മോഹമില്ല: ബിജെപിക്ക് സ്വന്തം മുഖ്യമന്ത്രിയെ കണ്ടെത്താമെന്നും നിതീഷ് കുമാര്
പട്ന: തനിക്ക് ബീഹാറിന്റെ മുഖ്യമന്ത്രിയാവാന് താല്പ്പര്യമില്ലായിരുന്നുവെന്നും ബിജെപിക്ക് സ്വന്തമായി മുഖ്യമന്ത്രിയെ കണ്ടെത്താവുന്നതാണെന്നും ജെഡിയു നേതാവും ബീഹാര് മുഖ്യമന്ത്രിയുമായ നിതീഷ് കുമാര്.
''എനിക്ക് മുഖ്യമന്ത്രി പദത്തോട് വലിയ പ്രതിപത്തിയൊന്നുമില്ല. ജനവിധി നമുക്കനുകൂലമായിരുന്നു. ആരെ വേണമെങ്കിലും മുഖ്യമന്ത്രിയാക്കാന് കഴിയുമായിരുന്നു. ബിജെപിക്കും സ്വന്തമായി മുഖ്യമന്ത്രിയെ കണ്ടെത്താന് കഴിയുമായിരുന്നു-നിതീഷ് കുമാര് ജെഡിയു നേതൃയോഗത്തില് പറഞ്ഞു.
അരുണാചല് പ്രദേശില് ജെഡിയുവില് നിന്ന് ഏഴ് എംഎല്എമാര് ബിജെപിയില് ചേര്ന്ന സാഹചര്യത്തിലാണ് നിതീഷ് കുമാറിന്റെ പ്രതികരണം. അരുണാചലിലെ സംഭവവികാസങ്ങള് ബീഹാര് രാഷ്ട്രീയത്തെ ബാധിക്കില്ലെന്നും ബീഹാര് എന്ഡിഎ സഖ്യത്തില് തര്ക്കങ്ങളൊന്നുമില്ലെന്നും അദ്ദേഹം പറഞ്ഞു.
ഏതാനും ആഴ്ചകള്ക്കു മുമ്പാണ് നിതീഷ് പാര്ട്ടി മേധാവി സ്ഥാനം രാജിവച്ചത്. നിലവില് മുതിര്ന്ന നേതാവ് രാമചന്ദ്ര പ്രസാദ് സിങ്ങാണ് പാര്ട്ടി മേധാവി.
ജെഡിയു, ബിജെപി, ഹിന്ദുസ്ഥാനി അവാം മോര്ച്ച, വികഷീല് ഇന്സാന് പാര്ട്ടി എന്നിവര് ചേര്ന്ന എന്ഡിഎ സഖ്യമാണ് ബീഹാറിലെ ഭരണകക്ഷി.
243 അംഗ നിയമസഭയില് 125 സീറ്റാണ് എന്ഡിഎയ്ക്കുള്ളത്. അതില് ബിജെപി 74, ജെഡിയു 43, മറ്റ് രണ്ട് പാര്ട്ടികള്ക്കും 8 സീറ്റുവീതവുമാണ് ഉള്ളത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
