എൻഐടി കാലിക്കറ്റ്: പിഎച്ച്ഡി പ്രവേശനത്തിന് അപേക്ഷ ക്ഷണിച്ചു

കോഴിക്കോട്:നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി കാലിക്കറ്റിൽ (NITC) 2026 മൺസൂൺ സെമസ്റ്ററിലെ (ജൂലൈ) പിഎച്ച്ഡി പ്രവേശനത്തിന് അപേക്ഷ ക്ഷണിച്ചു. വിവിധ ഡിപ്പാർട്ട്‌മെന്റുകളിലും സ്പെഷ്യലൈസ്ഡ് സെന്ററുകളിലുമായി ആറ് വ്യത്യസ്ത സ്കീമുകളിലാണ് പ്രവേശനം നടക്കുന്നത്.

ഇൻസ്റ്റിറ്റ്യൂട്ട് ഫെലോഷിപ്പോടു കൂടിയ ഫുൾ-ടൈം ഗവേഷണം (Scheme I), സെൽഫ് സ്പോൺസേർഡ് (Scheme II), വ്യവസായ സ്ഥാപനങ്ങൾ സ്പോൺസർ ചെയ്യുന്നവർ (Scheme III), എൻ.ഐ.ടി ജീവനക്കാർക്കും പ്രോജക്ട് സ്റ്റാഫുകൾക്കുമുള്ള ഇന്റേണൽ രജിസ്ട്രേഷൻ (Scheme IV) എന്നിവ ലഭ്യമാണ്. കൂടാതെ, ബിരുദാനന്തര ബിരുദമുള്ളവർക്ക് എക്സ്റ്റേണൽ പാർട്ട്-ടൈം ഗവേഷണത്തിനും (Scheme V), പി.ജി ഇല്ലാത്ത ഇൻഡസ്ട്രി/മെഡിക്കൽ രംഗത്തെ പ്രൊഫഷണലുകൾക്ക് നേരിട്ട് പി.എച്ച്.ഡി ചെയ്യുന്നതിനും (Scheme VI - Direct PhD) അവസരമുണ്ട്.

ഗവേഷണ വിഭാഗങ്ങൾ: സിവിൽ, മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ് ആൻഡ് കമ്മ്യൂണിക്കേഷൻ, കമ്പ്യൂട്ടർ സയൻസ്, കെമിക്കൽ, മാത്തമാറ്റിക്സ്, ഫിസിക്സ്, കെമിസ്ട്രി, ബയോസയൻസ് ആൻഡ് എൻജിനീയറിങ്, മെറ്റീരിയൽ സയൻസ്, ആർക്കിടെക്ചർ, മാനേജ്മെന്റ് സ്റ്റഡീസ്, ഹ്യുമാനിറ്റീസ് തുടങ്ങിയ ഡിപ്പാർട്ട്‌മെന്റുകളിലും പ്രവേശനം ലഭിക്കും.

കൂടാതെ, ആർട്ടിഫിഷ്യൽ ഇന്റലിജൻസ് (AI), ഇന്ത്യൻ നോളജ് സിസ്റ്റം, ഇൻഫർമേഷൻ ടെക്നോളജി റിസർച്ച്, ക്ലീൻ എനർജി ആൻഡ് സർക്കുലർ ഇക്കണോമി, ഇൻഡസ്ട്രി ഇൻസ്റ്റിറ്റ്യൂഷണൽ റിലേഷൻസ് എന്നീ ഗവേഷണ കേന്ദ്രങ്ങളിലും (Centres) അവസരങ്ങളുണ്ട്.

അപേക്ഷാ ഫീസും തീയതിയും: ജനറൽ/EWS/OBC വിഭാഗങ്ങൾക്ക് 1,000 രൂപയും, SC/ST/PwD വിഭാഗങ്ങൾക്ക് 500 രൂപയുമാണ് അപേക്ഷാ ഫീസ്. ഓൺലൈനായി അപേക്ഷിക്കേണ്ട അവസാന തീയതി 2026 ഏപ്രിൽ 1 (വൈകുന്നേരം 5 മണി).

കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും www.nitc.ac.in എന്ന വെബ്സൈറ്റ് സന്ദർശിക്കുക. ഫോൺ: 0495-2286119, 9188925202. ഇമെയിൽ: pgadmissions@nitc.ac.in.