*ഫലസ്തീൻ ഐക്യദാർഢ്യ മൈം ഇന്ന് വീണ്ടും അരങ്ങിലെത്തും*

കാസർകോഡ് : കുമ്പള ഗവൺമെൻറ് ഹയർസെക്കൻഡറി സ്കൂളിലെ ഫലസ്തീൻ ഐക്യദാർഢ്യം മൂകാഭിനയം ഇന്ന് അരങ്ങിലെത്തും . രാവിലെ 9 മണി മുതൽ അഞ്ചുവരെ ആയിരിക്കും പരിപാടികൾ . കുട്ടികളുടെ ഫലസ്തീൻ ഐക്യദാർഢ്യം മൂകാഭിനയം വീണ്ടും ഇന്ന് അരങ്ങേറും , നേരത്തെ ഫലസ്തീൻ വിഷയം പ്രമേയമാക്കി ഹയർ സെക്കൻഡറി വിദ്യാർത്ഥികൾ അവതരിപ്പിച്ച പരിപാടിക്ക് ചില അധ്യാപകർ കർട്ടൺ താഴ്ത്തി ആഘോഷ പരിപ്പാടികൾ നിർത്തിവെച്ചത് വിവാദമായിരുന്നു . പരിപാടി അലങ്കോലമായത് അടക്കമുള്ള കാര്യങ്ങളിൽ വിദ്യാഭ്യാസ മന്ത്രിയുടെ നിർദ്ദേശപ്രകാരം കലക്ടർ റിപ്രാർട്ട് തേടുകയും ചെയ്തിരുന്നു.പരിപാടി അവതരിപ്പിക്കാൻ കുട്ടികൾക്ക് വീണ്ടും അവസരം നൽകുമെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞിരുന്നു . ജാഗ്രതയോടു കൂടിയാണ് പിടിഎയും അധ്യാപകരും ചേർന്ന് ഇന്ന് കലോത്സവ പരിപാടികൾ നടത്തുക .പ്രശ്നങ്ങൾ ഉണ്ടാക്കുന്നവരുടെ പേരിൽ കർശന നടപടി സ്വീകരിക്കുമെന്ന് ബന്ധപ്പെട്ടവർ അറിയിച്ചു.