*ബൈക്ക് നിയന്ത്രണം വിട്ട് മറിഞ്ഞ് യുവതി മരിച്ചു*

ആലുവ: പുളിഞ്ചോട് കവലക്ക് സമീപം സുഹൃത്തുക്കളായ യുവതിയും യുവാവും സഞ്ചരിച്ച ബൈക്ക് നിയന്ത്രണം വിട്ടു മറിഞ്ഞ് യുവതിക്ക് തൽക്ഷണ മരണം . യുവാവിന് പരിക്ക്.ചാലക്കുടി പോട്ട സ്വദേശികളും സുഹൃത്തുക്കളുമായ യുവതിയും യുവാവും സഞ്ചരിച്ച ബൈക്കാണ് ബുധനാഴ്ച ഉച്ചക്ക് 12 മണിയോടെ പുളിഞ്ചോട് കവലയിൽ വച്ച് അപകടത്തിൽപ്പെട്ടത്.ചാലക്കുടി പോട്ട ഞാറക്കൽ വീട്ടിൽ സുദേവന്റെ മകൾ അനഘ (26) ണ് മരണപ്പെട്ടത്. സുഹൃത്തായ ചാലക്കുടി പോട്ട വടുതല വീട്ടിൽ ജയപ്രകാശ് നാരായണന്റെ മകൻ ജിഷ്ണു (30)നെ പരിക്കുകളോടെ ആലുവ നജാത്ത് ആശുപത്രിയിൽ പ്രവേശിപ്പിച്ചു. വിവാഹിതരാവാൻ തീരുമാനിച്ചിരുന്ന വരായിരുന്നു ബന്ധുക്കൾ കൂടിയായ ജിഷ്ണുവും അനഘയും.

ബുധനാഴ്ച രാവിലെ ലുലു മാൾ സന്ദർശിക്കാൻ വേണ്ടി ചാലക്കുടിയിലെ വീട്ടിൽ നിന്ന് പുറപ്പെട്ടതായിരുന്നു ഇരുവരും. മരണപ്പെട്ട അനഘ ഇൻഫോപാർക്ക് സൈബർ സെക്യൂരിറ്റി വിഭാഗം ജോലിക്കാരി യായിരുന്നു.ഹബിതയാണ് മാതാവ് സഹോദരൻ അനന്തു.പരിക്കേറ്റ ജിഷ്ണു ഇരിങ്ങാലക്കുടയിൽ സ്വന്തമായി ബൈക്ക് ആക്സസറീസ് ഷോപ്പ് നടത്തിവരികയാണ്.ആലുവ പോലീസ് കേസെടുത്തു മേൽ നടപടികൾ സ്വീകരിച്ചു.