വയനാട് ജില്ലയില് ആദ്യമായി ബ്ലാക്ക് ഫംഗസ് സ്ഥിരീകരിച്ചു
മാനന്തവാടി: വയനാട് ജില്ലയില് ആദ്യമായി ബ്ലാക്ക് ഫംഗസ് (മ്യൂക്കോ മൈക്കോസിസ്) രോഗബാധ സ്ഥിരീകരിച്ചു. മാനന്തവാടി സ്വദേശിയായ 65 കാരനാണ് ഫംഗസ് ബാധ സ്ഥിരീകരിച്ചത്. മെയ് 20ന് കൊവിഡ് രോഗമുക്തി നേടിയ ശേഷം ചികിത്സയില് തുടരവെ കണ്ണിന് അസ്വസ്ഥതയും,കടുത്ത തലവേദനയും അനുഭവപ്പെട്ട ഇദ്ദേഹത്തെ ബന്ധുക്കള് കോഴിക്കോട് സ്വകാര്യ ആശുപത്രിയില് പ്രവേശിപ്പിച്ച് പരിശോധിച്ചതിലാണ് രോഗബാധ സ്ഥിരീകരിച്ചത്. തുടര്ന്ന് അദ്ദേഹത്തിന്റെ ഇടതു കണ്ണ് ശസ്ത്രക്രിയയിലൂടെ നീക്കം ചെയ്തു. രോഗം മനസ്സിലാക്കുന്നതില് മാനന്തവാടി മെഡിക്കല് കോളജിന് വീഴ്ച സംഭവിച്ചതായും, നിലവില് രോഗി സുഖം പ്രാപിച്ചു വരുന്നതായും ബന്ധുക്കള് വ്യക്തമാക്കി.
മെയ് 09 നാണ് വയോധികന് കോവിഡ് രോഗബാധ സ്ഥിരീകച്ചത്. തുടര്ന്ന് 19 ന് തലവേദനയെ തുടര്ന്ന് വയനാട് മെഡിക്കല് കോളേജില് അഡ്മിറ്റ് ചെയ്തു. ഒരു ദിവസം കഴിഞ്ഞപ്പോള് കൊവിഡ് നെഗറ്റീവായെങ്കിലും ക്ഷീണം മൂലം ചികിത്സയില് തുടര്ന്നു. 21 ന് വീണ്ടും കടുത്ത തലവേദനയും കണ്ണിന് അസ്വസ്ഥതയും അനുഭവപ്പെട്ടു. പിന്നീട് സാധാരണ ചികിത്സ തന്നെ തുടര്ന്നെങ്കിലും 27 ന് കണ്ണിന് തടിപ്പ് കൂടുകയും, മൂക്കില്കൂടി രക്തസ്രാവമുണ്ടാകുകയും ചെയ്തു. എന്നാല് രക്തസമ്മര്ദം മൂലമാണ് ഇത്തരത്തിലുണ്ടായതെന്നാണ് ആശുപത്രി അധികൃതര് പറഞ്ഞതെന്ന് ബന്ധുക്കള് പറഞ്ഞു. ഒടുവില് മെയ് 28ന് സ്വമേധയാ ഡി സ്ചാര്ജ്ജ് വാങ്ങി രോഗിയെ കോഴിക്കോട് സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. അവിടെ വെച്ച് നടത്തിയ പരിശോധനയില് ബ്ലാക്ക് ഫംഗസ് രോഗബാധ സ്ഥിരീകരിക്കുകയായിരുന്നു.
കണ്ണിന് രോഗബാധ ഗുരുതരമായതിനാല് ഇടതു കണ്ണ് പൂര്ണ്ണമായും ശസ്ത്രക്രിയ നടത്തി നീക്കം ചെയ്തു. തീവ്രപരിചരണ വിഭാഗത്തിലെ ചികിത്സക്ക് ശേഷം രോഗിയെ ഇന്ന് നിരീക്ഷണ വാര്ഡിലേക്ക് മാറ്റിയിട്ടുണ്ട്. കടുത്ത രോഗ ലക്ഷണങ്ങള് ഉണ്ടായിരുന്നിട്ടും.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT